ວິສາຫະກິດຫວຽດນາມແລະຕານຊານີເພີ່ມທະວີການແລກປ່ຽນ,ຮ່ວມມືໃນຫຼາຍຂົງເຂດ
ຮ່ວາງຢູ້ງ, ນັກຂ່າວVOV -
ທ່ານປະທານປະເທດຫວຽດນາມ ເຈືອງເຕີນຊາງ ໄດ້ເຂົ້າຮ່ວມ
ເວທີປາໄສ ວິສາຫະກິດ ຫວຽດນາມ - ຕານຊານີ
|
(vovworld) – ໃນຂອບເຂດການຢ້ຽມຢາມທາງລັດຖະກິດ ຕານຊານີ, ວັນທີ 9/3, ທ່ານປະທານປະເທດຫວຽດນາມ ເຈືອງເຕີນຊາງ ໄດ້ເຂົ້າຮ່ວມເວທີປາໄສ ວິສາຫະກິດ ຫວຽດນາມ - ຕານຊານີ ໂດຍຫ້ອງການການຄ້າ - ອຸດສາຫະກຳ ຫວຽດນາມ ສົມທົບກັບສະຫະສະມາຄົມວິສາຫະກິດ ນັກທຸລະກິດ ຕານຊານີ ຈັດຕັ້ງ. ເຂົ້າຮ່ວມ ແລະ ກ່າວຄຳເຫັນໄຂເວທີປາໄສ, ທ່ານນາຍົກລັດຖະມົນຕີ ຕານຊານີ Kassim Majaliwa ໃຫ້ຮູ້ວ່າ: ຕານຊານີ ໄດ້ ແລະ ພວມດຳເນີນຫຼາຍມາດຕະການປະຕິຮູບດ້ານລະບຽບການບໍລິຫານ ກໍ່ຄືໂຍະຍານບັນດາມາດຕະການເພື່ອແນໃສ່ດຶງດູດການລົງທຶນ. ທ່ານນາຍົກລັດຖະມົນຕີ Kassim Majaliwa ຢັ້ງຢືນວ່າ: ລັດຖະບານ ຕານຊານີ ຍາມໃດກໍກຽມພ້ອມສ້າງເງື່ອນໄຂສະດວກທີ່ສຸດໃຫ້ແກ່ບັນດາວິສາຫະກິດ ຫວຽດນາມ ເວົ້າສະເພາະ ແລະ ບັນດາວິສາຫະກິດຕ່າງປະເທດລົງທຶນເຂົ້າ ຕານຊານີ ເວົ້າລວມ.
ສ່ວນທ່ານປະທານປະເທດ ເຈືອງເຕີນຊາງ ໃຫ້ຮູ້ວ່າ: ປະຈຸບັນ, ຫວຽດນາມ ຮັກສາທີ່ຕັ້ງຍຸດທະສາດໃນພາກພື້ນ ອາຊຽນ ແລະ ອາຊີຕາເວັນອອກ. ຫວຽດນາມ ໄດ້ລົງນາມ ແລະ ເຈລະຈາສັນຍາການຄ້າເສລີ (FTA) 15 ສະບັບກັບບັນດາຄູ່ຮ່ວມມື... ໃນນະໂຍບາຍພັດທະນາເສດຖະກິດຂອງຕົນ, ຫວຽດນາມ ຍາມໃດກໍ່ຖືເປັນສຳຄັນ ແລະ ປາດຖະໜາຢາກເປີດກ້ວາງຮ່ວມມືກັບບັນດາປະເທດ ອາຟຣີກາ, ໃນນັ້ນມີ ຕານຊານີ. ທ່ານປະທານປະເທດ ເຈືອງເຕີນຊາງ ກ່າວວ່າ:
“ຂ້າພະເຈົ້າຕີລາຄາສູງແນວຄວາມຄິດຂອງເວທີປາໄສແມ່ນສ້າງຄວາມເຫັນດີເຫັນພ້ອມ ແລະ ແບ່ງປັນການຮ່ວມມືບັນດາວິສາຫະກິດ. ຂ້າພະເຈົ້າຖືວ່າ: ດ້ວຍການພົວພັນດ້ານການເມືອງ ອັນດີງາມລະຫວ່າງ 2 ປະເທດ, ຄວາມສາມາດບົ່ມຊ້ອນ ແລະ ຄວາມສາມາດຮ່ວມມືລະຫວ່າງ ຫວຽດນາມ ແລະ ຕານຊານີ ອາດຈະກາຍເປັນຂົວເຊື່ອມຕໍ່ ແລະ ບໍ່ພຽງແຕ່ເຊື່ອມຕໍ່ລະຫວ່າງຕະຫຼາດຂອງກັນເທ່ົານັ້ນ ຫາກຍັງຂອງທັງພາກພື້ນ ອາຊີຕາເວັນອອກ ແລະ ອາບຟຣີກາ ອີກດ້ວຍ. ຂ້າພະເຈົ້າຫວັງວ່າ: ບັນດາການແບ່ງປັນ, ຄວາມຕັດສິນໃຈນີ້ຈະໄດ້ຮັບການຫັນເປັນບັນດາການກະທຳເປັນໂຄງການຢ່າງລະອຽດ ແລະ ຍາວນານ.”
ເນື່ອງໃນໂອກາດນີ້, ຜູ້ຕາງໜ້າຫ້ອງການການຄ້າ ແລະ ອຸດສາຫະກຳ ຫວຽດນາມ ແລະ ອົງການສົ່ງເສີມການຄ້າ ການລົງທຶນ ຕານຊານີ ໄດ້ລົງນາມໃນຂໍ້ຕົກລົງຮ່ວມມື, ສ້າງປະຖົມປັດໄຈຊຸກຍູ້ການແລກປ່ຽນຂໍ້ມູນຂ່າວ ແລະ ການຮ່ວມມືລະຫວ່າງວິສາຫະກິດ 2 ປະເທດ.
ຮ່ວາງຢູ້ງ, ນັກຂ່າວVOV