( vovworld ) – ໂດຍສືບຕໍ່ວາລະປະຊຸມຄັ້ງທີ 8, ຕອນເຊົ້າວັນທີ 5/5, ຄະນະປະຈຳສະພາແຫ່ງຊາດໄດ້ປຶກສາຫາລືກ່ຽວກັບເລື່ອງກະກຽມໃຫ້ກອງປະຊຸມສະໃໝສາມັນເທື່ອທີ 3 ສະພາແຫ່ງຊາດຊຸດທີ 13 ແລະ ປະກອບຄຳຄິດຄຳເຫັນໃສ່ແຜນຮ່າງສືບຕໍ່ການປ່ຽນໃໝ່, ຍົກສູງຄຸນນະພາບ, ປະສິດທິຜົນການເຄື່ອນໄຫວຂອງສະພາແຫ່ງຊາດ. ຄະນປະຈຳສະພາແຫ່ງຊາດໃຫ້ຄຳຄິດເຫັນໃສ່ບັນດາເນື້ອໃນສ່ວນຫຼາຍຂອງກອງປະຊຸມສະໄໝສາມັນເທື່ອທີ 3 ແລະ ອົງການພວມຕ່າງໆຮັບຮອງ, ປັບປຸງເອກະສານໃຫ້ສຳເລດເພື່ອຍືນສະເໜີຕໍ່ສະພາແຫ່ງຊາດ. ບົນພື້ນຖານຮັບເອົາຄຳຄິດເຫັນຂອງບັນດາຄະນະຜູ້ແທນ ແລະ ບັນດາສະມາຊິກສະພາແຫ່ງຊາດ, ຫ້ອງວ່າການສະພາແຫ່ງຊາດສະເໜີໃຫ້ຄະນະປະຈຳສະພາແຫ່ງຊາດພິຈາລະຈາສະເໜີລັດຖະບານ ລາຍງານບາງບັນຫາຕື່ມອີກ. ທ່ານຮອງປະທານຄະນະກຳມະການສູນກາງແນວໂຮມປະເທດຊາດຫວຽດນາມ Nguyen Van Pha ໃຫ້ຄຳເຫັນວ່າ.
“ ຂ້າພະເຈົ້າສະເໜີໃຫ້ສະມາຊິກສະພາແຫ່ງຊາດທາບທາມບົດລາຍງານ 2 ບົ, ນັ້ນແມ່ນບົດລາຍງານກ່ຽວກັບການຕ້ານໄພສໍ້ລາດບັງຫຼວງ ແລະ ບົດລາຍງານກ່ຽວກັບການກ່າວຟ້ອງ, ຮ້ອງທຸກ. ຕາມຂ້າພະເຈົ້າແລ້ວ, ພວກເຮົາຄວນສະເໜີລັດຖະບານຝາກໃຫ້ສະມາຊິກສະພາແຫ່ງຊາດ 2 ບົດລາຍງານດັ່ງກ່າວ ເພື່ອເປັນພື້ນຖານທີ່ດີໃຫ້ສະມາຊິກສະພາແຫ່ງຊາດປຶກສາຫາລືກ່ຽວກັບເສດຖະກິດ ສັງຄົມກໍ່ຄືການຊັກຖາມ ”.
ພາຍຫຼັງວາລະປະຊຸມນີ້, ແຜນຮ່າງສືບຕໍ່ການປ່ຽນໃໝ່, ຍົກສູງຄຸນນະພາບ, ປະສິດທິຜົນຂອງສະພາແຫ່ງຊາດ ແລະ ຮ່າງມະຕິກ່ຽວກັບແຜນຮ່າງຈະສືບຕໍ່ໄດ້ຮັບການປັບປຸງໃຫ້ສຳເລັດເພື່ອຍືນສະເໜີຕໍ່ສະພາແຫ່ງຊາດຮັບຮອງເອົາທີ່ກອງປະຊຸມສະໃໝສາມັນເທື່ອທີ 3 ທີ່ຈະມາເຖິງ.