ວາລະປະຊຸມຄົບຄະນະຄັ້ງທີ 6 ຄະນະຮຽບຮຽງຮ່າງປັບປຸງລັດຖະທຳມະນູນປີ 1992
ພາບ:internet
|
(vovworld) - ວັນທີ 7/12, ຢູ່ ຮ່າໂນ້ຍ, ຄະນະຮຽບຮຽງຮ່າງປັບປຸງລັດຖະທຳມະນູນປີ 1992 ໄດ້ຈັດວາລະປະຊຸມຄົບຄະນະຄັ້ງທີ 6. ທ່ານຮອງປະທານສະພາແຫ່ງຊາດ ຫວຽດນາມ ອວງຈູລືວ (Uông Chu Lưu) ໄດ້ເຂົ້າຮ່ວມວາລະປະຊຸມ. ວາລະປະຊຸມຄັ້ງນີ້ ຈະປຶກສາຫາລືບັນດາເນື້ອໃນ, ວິທີການຍັງມີຄຳເຫັນແຕກຕ່າງກັນຈາກບັນດາສະມາຊິກສະພາແຫ່ງຊາດ ຄື: ຊ່ືເອີ້ນ, ໂຄງປະກອບ, ເນື້ອໃນຂອງບັນດາພາກໃນລັດຖະທຳມະນູນຄື: ລະບອບການເມືອງ, ສິດທິມະນຸດ, ສິດ ແລະ ພັນທະພື້ນຖານຂອງພົນລະເມືອງ; ຍົກອອກບັນດາວິທີການທີ່ສອດຄ່ອງເພື່ອສ້າງຮ່າງປັບປຸງລັດຖະທຳມະນູນປີ 1992 ໃຫ້ສົມບູນແບບ. ຄະນະຮຽບຮຽງກໍໄດ້ປຶກສາຫາລື, ໃຫ້ຄຳເຫັນກ່ຽວກັບການຄາດຄະເນປັບປຸງ, ເພີ່ມເຕີມບັນດາເນື້ອໃນ: ເສດຖະກິດ, ວັດທະນະທຳ, ສັງຄົມ, ວິທະຍາສາດ, ເຕັກໂນໂລຊີ ແລະ ສິ່ງແວດລ້ອມ, ປົກປັກຮັກສາ ປະເທດຫວຽດນາມ ສັງຄົມນິຍົມ, ຈັດຕັ້ງກົງຈັກລັດ ແລະ ຂັ້ນຕອນປັບປຸງລັດຖະທຳມະນູນ.