ວາລະປະຊຸມຄົບຄະນະຄັ້ງທີ14ກຳມາທິການບັນດາບັນຫາສັງຄົມຂອງສະພາແຫ່ງຊາດ
(ພາບປະກອບ: TTXVN)
(vovworld) - ວັນທີ 2/3, ຢູ່ນະຄອນ ດ່າລາດ (ເລິມດົ່ງ), ກຳມາທິການບັນດາບັນຫາສັງຄົມຂອງສະພາແຫ່ງຊາດ ໄດ້ໄຂວາລະປະຊຸມຄົບຄະນະຄັ້ງທີ 14 ເພື່ອແນໃສ່ກະກຽມເນື້ອໃນໃຫ້ກອງປະຊຸມສະໄໝສາມັນຈະມາເຖິງຂອງສະພາແຫ່ງຊາດ. ທີ່ວາລະປະຊຸມ, ທ່ານນາງລັດຖະມົນຕີວ່າການກະຊວງແຮງງານ - ທະຫານເສຍອົງຄະ ແລະ ສັງຄົມ ຟ້າມທິຫາຍຈ່ຽນ ໄດ້ແນະນຳຮ່າງລາຍງານຂອງລັດຖະບານ ກ່ຽວກັບການຄຸ້ມຄອງ ແລະ ນຳໃຊ້ກອງທຶນປະກັນສັງຄົມໃນໄລຍະຜ່ານມາ ເພື່ອໃຫ້ກຳມາທິການກວດກາ. ຕາມນັ້ນແລ້ວ, ບັນຫາທີ່ວາງອອກໃນບົດລາຍງານນັ້ນແມ່ນ ການປະຕິບັດກົດໝາຍວ່າດ້ວຍປະກັນສັງຄົມຍັງມີຫຼາຍສິ່ງທີ່ຍັງຄົງຄ້າງ; ກົດໝາຍວ່າດ້ວຍປະກັນສັງຄົມປີ 2014 ມີນະໂຍບາຍໃໝ່ຫຼາຍສະບັບ, ມີເອກະສານຈຳນວນໜຶ່ງບໍ່ທັນຕອບສະໜອງຄວາມຄືບໜ້າໄດ້. ເມື່ອສະເໜີຕໍ່ສະພາແຫ່ງຊາດກ່ຽວກັບມາດຕະການແກ້ໄຂໃນໄລຍະຈະມາເຖິງ, ທ່ານນາງລັດຖະມົນຕີວ່າການກະຊວງແຮງງານ - ທະຫານເສຍອົງຄະ ແລະ ສັງຄົມ ຟ້າມທິຫາຍຈ່ຽນ ຖືວ່າ, ສະພາແຫ່ງຊາດຄວນເພີ່ມທະວີການເຄື່ອນໄຫວຕິດຕາມກວດກາກ່ຽວກັບການປະຕິບັດກົດໝາຍວ່າດ້ວຍປະກັນສັງຄົມຢູ່ຂັ້ນສູນກາງ ແລະ ທ້ອງຖີ່ນ. ຄວນນຳໂຄງການປັບປຸງກົດໝາຍວ່າດ້ວຍແຮງງານເຂົ້າໃນລາຍການສ້າງກົດໝາຍ, ລັດຖະບັນຢັດອາຍຸການຈະມາເຖິງຂອງສະພາແຫ່ງຊາດ ເພື່ອແກ້ໄຂສິ່ງທີ່ຍັງຄົງຄ້າງ, ເຊິ່ງໄດ້ເກີດຂຶ້ນໃນວິວັດແຫ່ງການປະຕິບັດໃນໄລຍະຈະມາເຖິງ.