ທ່ານ ຫງວຽນຟູ໋ຈ້ອງ ເປັນປະທານກອງປະຊຸມ
(vovworld)- ຕອນເຊົ້າວັນທີ 27/4 ຢູ່ຮ່າໂນ້ຍ, ຄະນະຊີ້ນຳສູນກາງກ່ຽວກັບການປ້ອງກັນ, ຕ້ານການສໍ້ລາດບັງຫຼວງ ໄດ້ຈັດວາລະປະຊຸມທີ 10. ທ່ານເລຂາທິການໃຫຍ່ຄະນະບໍລິຫານງານສູນກາງພັກຄອມມູນິດຫວຽດນາມ ຫງວຽນຟູຈ້ອງ, ຫົວໜ້າຄະນະຊີ້ນຳ ເປັນປະທານກອງປະຊຸມ. ທີ່ກອງປະຊຸມ, ຄະນະຊີ້ນຳສູນກາງກ່ຽວກັບການປ້ອງກັນ, ຕ້ານການສໍ້ລາດບັງຫຼວງ ໄດ້ປະກາດບັນດາມະຕິຂອງກົມການເມືອງກ່ຽວກັບການບູລະນະທົ່ວຄະນະຊີ້ນຳ. ຄະນະຊີ້ນຳຮັບຮອງເອົາແຜນການກວດກາ, ຕິດຕາມກວດກາກ່ຽວກັບກໍລະນີຕ່າງໆ, ການເປີດການສືບສວນສອບສວນ, ການຟ້ອງສານ, ການພິພາກສາບັນດາຄະດີ ສໍ້ລາດບັງຫຼວງ, ເສດຖະກິດ, ທີ່ມີຄວາມສັບສົນ, ແລະໄດ້ຮັບຄວາມສົນໃຈທີ່ສຸດຈາກສັງຄົມໃນປີ2016. ພ້ອມທັງດຳເນີນການກວດກາສະເພາະ ກ່ຽວກັບການສະກັດກັ້ນ, ການຄົ້ນພົບ, ແລະ ແກ້ໄຂການສໍ້ລາດບັງຫຼວງໃນຂົງເຂດພາສີ, ອາກອນ. ຄະນະຊີ້ນຳສູນກາງກ່ຽວກັບການປ້ອງກັນ, ຕ້ານການສໍ້ລາດບັງຫຼວງກໍ່ໃຫ້ຄວາມເຫັນກ່ຽວກັບແຜນການຜັນຂະຫຍາຍຄຳສັ່ງ 50 ຂອງກົມການເມືອງ ກ່ຽວກັບ “ການເພີ່ມທະວີການຊີ້ນຳ ນຳພາຂອງພັກ ສຳລັບວຽກງານຄົ້ນພົບ, ແກ້ໄຂຄະດີການສໍ້ລາດບັງຫຼວງ”; ກ່ຽວກັບຄວາມຄືບໜ້າ, ໝາກຜົນການແກ້ໄຂຄະດີສໍ້ລາດບັງຫຼວງ, ເສດຖະກິດ, ທີ່ມີຄວາມສັບສົນ, ແລະ ໄດ້ຮັບຄວາມສົນໃຈທີ່ສຸດຈາກສັງຄົມ.