ທ່ານຮອງນາຍົກລັດຖະມົນຕີ ຟ້າມບີງມີງ ມອບຫລຽນໄຊແຮງງານຊັ້ນຫນຶ່ງໃຫ້ກົມກົງສູນ(TTXVN)
|
(vovworld)- ວັນທີ 7/12 ຢູ່ ຮ່າໂນ້ຍ, ກົມກົງສູນ (ກະຊວງການຕ່າງປະເທດ) ໄດ້ຈັດຕັ້ງພິທີສະເຫລີມສະຫລອງ 70 ປີແຫ່ງວັນສ້າງຕັ້ງ (1946-2016) ແລະ ຮັບຫລຽນໄຊແຮງງານຊັ້ນຫນຶ່ງຄັ້ງທີ 2, ຊື່ງແມ່ນລາງວັນອັນສູງສົ່ງຂອງພັກ ແລະ ລັດມອບໃຫ້. ກ່າວຄຳເຫັນນະພິທີ, ທ່ານ ຫງວຽນກວກຢູງ, ຮອງລັດຖະມົນຕີກະຊວງການຕ່າງປະເທດ ຫວຽດນາມໃຫ້ຮູ້ວ່າ: ໃນໄລຍະ 70 ປີຜ່ານມາ, ກົມກົງສູນ ໄດ້ສຳເລັດຫນ້າທີ່ເປັນຢ່າງດີ, ສ້າງຜົນງານຫລາຍຢ່າງໃນການປະກອບສ່ວນສຳຄັນເຂົ້າໃນຜົນສຳເລັດລວມຂອງຂະແຫນງການຕ່າງປະເທດຊື່ງໄດ້ຮັບການຮັບຮອງຈາກພັກ ແລະ ລັດ ດ້ວຍໃບຍ້ອງຍໍ ແລະ ນາມມະຍົດເປັນຈຳນວນຫລາຍ. ທ່ານຮອງລັດຖະມົນຕີ ຫງວຽນກວກຢູງ ເນັ້ນຫນັກວ່າ: ກົງສູນແມ່ນວຽກງານວິຊາສະເພາະໃຫຍ່ ແລະ ສຳຄັນໃນຂົງເຂດການຕ່າງປະເທດ. ຂອບເຂດວຽກງານກົງສູນລວມມີຫລາຍຂົງເຂດ ແລະ ເປັນຫລາຍຮູບຫລາຍແບບ. ວຽກງານກົງສູນ ມີຄວາມໝາຍສຳຄັນນັບທັງດ້ານການເມືອງ, ເສດຖະກິດ, ສັງຄົມ. ທ່ານຮອງລັດຖະມົນຕີ ຫງວຽນກວກຢູງ ສະເຫນີ: ໃນໄລຍະຈະມາເຖິງ, ກົມກົງສູນຄວນສືບຕໍ່ສຳເລັດວຽກງານຈັດຕັ້ງ, ວິຊາສະເພາະແລະ ບຸກຄະລາກອນ.