(vovworld) - ກ່າວຄຳເຫັນທີ່ກອງປະຊຸມຝຶກອົບຮົມວຽກງານຖະແຫຼງຂ່າວຕໍ່ຕ່າງປະເທດໃຫ້ແກ່ຖັນແຖວພະນັກງານການນຳ ແລະ ພະນັກງານປະຕິບັດໜ້າທີ່ຖະແຫຼງຂ່າວຕໍ່ຕ່າງປະເທດໂດຍກົງຢູ່ບັນດາແຂວງ, ນະຄອນທາງພາກໃຕ້, ໂດຍຄະນະຊີ້ນຳວຽກງານຖະແຫຼງຂ່າວຕໍ່ຕ່າງປະເທດສົມທົບກັບກະຊວງຖະແຫຼງຂ່າວ ແລະ ໂທລະຄົມ ຫວຽດນາມ ຈັດຕັ້ງຂຶ້ນເມື່ອວັນທີ 20/5, ຢູ່ນະຄອນ ຫວູງເຕົ່າ, ທ່ານ ຫງວຽນວັນເນນ, ຮອງຫົວໜ້າຄະນະໂຄສະນາສຶກສາສູນກາງເນັ້ນໜັກວ່າ: ວຽກງານຖະແຫຼງຂ່າວຕໍ່ຕ່າງປະເທດແມ່ນພາກສ່ວນໜຶ່ງທີ່ສຳຄັນໃນວຽກງານໂຄສະນາ ແລະ ວຽກງານຄວາມຄິດຂອງພັກກອມມູນິດ ຫວຽດນາມ. ຊຸມປີຜ່ານມາ, ວຽກງານຖະແຫຼງຂ່າວຕໍ່ຕ່າງປະເທດໄດ້ສວມບົດບາດສຳຄັນໃນວິວັດທະນາການເຊື່ອມໂຍງເຂົ້າກັບສາກົນ, ຍົກສູງທີ່ຕັ້ງບົດບາດຂອງ ຫວຽດນາມ ໃນພາກພື້ນ ແລະ ບົນເວທີສາກົນ, ເຮັດໃຫ້ໂລກເຂົ້າໃຈແຈ້ງ ແລະ ເຂົ້າໃຈຢ່າງຖືກຕ້ອງກ່ວາກ່ຽວກັບ ຫວຽດນາມ, ຜ່ານນັ້ນຍາດແຍ່ງການສະໜັບສະໜູນຂອງເພື່ອນມິດສາກົນຮັບໃຊ້ພາລະກິດສ້າງສາ ແລະ ປົກປັກຮັກສາປະເທດຊາດ. ທີ່ກອງປະຊຸມ, ບັນດານັກປະຖາກະຖາຂອງກະຊວງຖະແຫຼງຂ່າວ ແລະ ໂທລະຄົມ ໄດ້ເຜີຍແຜ່ບາງບັນຫາເຊື່ອມໂຍງເຂົ້າກັບສາກົນ, ຍຸດທະສາດພັດທະນາຖະແຫຼງຂ່າວຕໍ່ຕ່າງປະເທດ ແລະ ໂຄງການເຄື່ອນໄຫວຂອງລັດຖະບານກ່ຽວກັບວຽກງານຖະແຫຼງຂ່າວຕໍ່ຕ່າງປະເທດປີ 2014 ແລະ ບັນດາບັນຫາທີ່ວາງອອກໃຫ້ແຕ່ລະທ້ອງຖິ່ນ.