ວຽກງານພົວພັນຕ່າງປະເທດປະກອບສ່ວນເຂົ້າໃນຜົນງານອັນໃຫຍ່ຫລວງຂອງພາລະກິດປ່ຽນໃໝ່
ທ່ານ ບູຍແທງເຊີນ ລັດຖະມົນຕີຊ່ວຍ
ວ່າການກະຊວງການຕ່າງປະເທດ ຫວຽດນາມ
(ພາບ: TTXVN)
(vovworld) – “ ວຽກງານພົວພັນຕ່າງປະເທດປະກອບສ່ວນເຂົ້າໃນຜົນງານອັນໃຫຍ່ຫລວງຂອງພາລະກິດປ່ຽນໃໝ່ ” ນັ້ນແມ່ນຄຳຢືນຢັນຂອງທ່ານ ບູຍແທງເຊີນ ລັດຖະມົນຕີຊ່ວຍວ່າການກະຊວງການຕ່າງປະເທດ ຫວຽດນາມ ເມື່ອຕອບສຳພາດຕໍ່ນັກຂ່າວສຳນັກຂ່າວສານ ຫວຽດນາມ ເນື່ອງໃນໂອກາດປີໃໝ່ 2016. ທ່ານ ບູຍແທງເຊີນ ລັດຖະມົນຕີຊ່ວຍວ່າການກະຊວງການຕ່າງປະເທດ ໃຫ້ຮູ້ວ່າ: ປະຈຸບັນ ຫວຽດນາມ ມີການພົວພັນກັບບັນດາປະເທດໃນໂລກເກືອບທັງໝົດ, ໃນນັ້ນ ມີການສ້າງຕັ້ງສາຍພົວພັນທາງການທູດກັບ 185 ປະເທດໃນຈຳນວນ 193 ປະເທດສະມາຊິກສະຫະປະຊາຊາດ. ຫວຽດນາມ ກໍ່ເຂົ້າຮ່ວມໃນອົງການຈັດຕັ້ງສາກົນ, ພາກພື້ນ 70 ອົງການ, ມີບົດບາດເປັນສະມາຊິກຕັ້ງໜ້າ, ເປັນເຈົ້າການ, ມີຄວາມຮັບຜິດຊອບ. ທີ່ຕັ້ງຂອງ ຫວຽດນາມ ໄດ້ຮັບການຍົກສູງຂຶ້ນບົນເວທີສາກົນ, ພາກພື້ນ, ມີຫລາຍຂໍ້ລິເລີ່ມໄດ້ຮັບການຊົມເຊີຍຈາກບັນດາອົງການຈັດຕັ້ງສາກົນ. ໃນຊຸມປີມໍ່ໆມານີ້, ຫວຽດນາມ ໄດ້ນຳການພົວພັນກັບບັນດາຄູ່ຮ່ວມມືເຂົ້າສູ່ລວງເລິກ. ຫວຽດນາມ ໄດ້ສ້າງຕັ້ງການພົວພັນຄູ່ຮ່ວມມືຍຸດທະສາດກັບ 15 ປະເທດຄູ່ຮ່ວມມືໃນໂລກ, ເປັນຄູ່ຮ່ວມມືຮອບດ້ານກັບ 10 ປະເທດຄູ່ຮ່ວມມືໃນໂລກ.
ຕາມທ່ານ ບູຍແທງເຊີນ ແລ້ວ, ເບິ່ງລວມແລ້ວ, 30 ປີຜ່ານມາ, ວຽກງານພົວພັນຕ່າງປະເທດໄດ້ປະກອບສ່ວນໃນຫລາຍຂົງເຂດ ເພື່ອຮັບໃຊ້ການສ້າງສາປະເທດຊາດ ພ້ອມທັງປະກອບສ່ວນເຂົ້າໃນຜົນງານລວມຂອງປະເທດຊາດ. ຕາມທ່ານ ບູຍແທງເຊີນ ແລ້ວ ວຽກງານສື່ສານໂຄສະນາການຕ່າງປະເທດ ຄວນສົມທົບກັນຢ່າງແໜ້ນແຟ້ນ, ໂຄສະນາເຜີຍແຜ່ທິດທາງການພົວພັນຕ່າງປະເທດຂອງ ຫວຽດນາມ ເຖິງປະຊາຊົນພາຍໃນປະເທດ ແລະ ເພື່ອນມິດສາກົນ, ສ້າງຄວາມເຫັນດີເຫັນພ້ອມ, ໜູນຊ່ວຍກັນໃນວຽກງານຜັນຂະຫຍາຍການເຄື່ອນໄຫວພົວພັນຕ່າງປະເທດໃຫ້ດີທີ່ສຸດ ກໍ່ຄືສ້າງສາ, ປົກປັກຮັກສາ ແລະ ພັດທະນາປະເທດຊາດ.