(VOVWORLD) - ໄລ່ຮອດຕອນເຊົ້າວັນທີ 17 ກັນຍາ, ຄວາມເສຍຫາຍຍ້ອນພາຍຸລູກທີ 10 ຫຼືພາຍຸ Doksuri ໄດ້ພັດເຂົ້າບັນດາແຂວງພາກກາງຫວຽດນາມຈາກຮ່າຕິ້ງຫາກວາງບິງ ໃນວັນທີ 15 ກັນຍາ ໄດ້ເຮັດໃຫ້ 9 ຄົນເສຍຊີວິດ, 4 ຄົນຫາຍສາບສູນ ແລະ 112 ຄົນໄດ້ຮັບບາດເຈັບ. ເຮືອນປະມານ 165.000 ຫຼັງຖືກເລີກຫຼັງຄາ, ເປເພ ແລະ ນ້ຳຖ້ວມ.
 ວຽກງານແກ້ໄຂຜົນຮ້າຍຢ່ອນຫຼັງຈາກພາຍຸ Doksuri |
ເຮືອຫາປານ້ອຍໃຫຍ່ເກືອບ 200 ລຳຖືກໂຈມໃຕ້ນ້ຳ, ເນື້ອນາພືດສຳຮອງນັບໝື່ນແຮັກຕາຖືກເສຍຫາຍ, ເສົາໄຟຟ້າແຮງສູງ 1600 ເສົາຖືກຫັກພັງ ອັນໄດ້ພາໃຫ້ປະຊາຊົນບໍ່ມີໄຟຟ້າໃຊ້ຢ່າງຫຼວງຫຼາຍ.
ຕໍ່ໜ້າສະພາບການດັ່ງກ່າວ, ແຂວງຮ່າຕິ້ງພວມລະດົມບັນດາກຳລັງທະຫານ, ຕຳຫຼວດ, ຊາວໜຸ່ມ…ພ້ອມກັບປະຊາຊົນແກ້ໄຂຜົນຮ້າຍຢ່ອນຫຼັງຍ້ອນພາຍຸກໍ່ຂຶ້ນ.
ຢູ່ແຂວງກວາງບີງຊຶ່ງແມ່ນແຫ່ງຮັບຜົນສະທ້ອນຢ່າງໜັກກ່ຽວກັບຕາຂ່າຍໄຟຟ້າຈາກພາຍຸ. ມາຮອດປະຈຸບັນ, ບໍລິສັດໃຫຍ່ໄຟຟ້າພາກກາງໄດ້ຟື້ນຟູຕາຂ່າຍໄຟຟ້າເພື່ອຮັບໃຊ້ປະຊາຊົນ. ທ່ານ ຫງວຽນແທ່ງ, ຮອງຜູ້ອຳນວຍການໃຫຍ່ ບໍລິສັດໃຫຍ່ໄຟຟ້າພາກກາງໃຫ້ຮູ້ວ່າ :
“ ມາຮອດປະຈຸບັນ, ບັນດາສະຖານທີ່ໃຈກາງຂອງເທດສະບານເມືອງໄດ້ມີໄຟຟ້າໃຊ້ແລ້ວ. ປະຈຸບັນພວມສືບຕໍ່ຟື້ນຟູ ຕາຂ່າຍໄຟຟ້າຢູ່ເຂດທີ່ຍັງເຫຼືອເພື່ອຟື້ນຟູການຜະລິດ. ບັນດາກຳລັງໄດ້ນຳເອົາພາຫະນະ, ລົດຍົນມາຮັບໃຊ້ຕະຫຼອດຄືນ ”
ແລະ ກໍໃນວັນດຽວກັນ ວັນທີ 17 ກັນຍາ, ຢູ່ແຂວງກວາງຈິ, ທ້ອງຟ້າແຈ່ມໃສ, ທະເລກັບຄືນສູ່ປົກກະຕິ, ພາຍຫຼັງທີ່ໄດ້ແກ້ໄຂຜົນຮ້າຍຢ່ອນຫຼັງຍ້ອນພາຍຸກໍ່ຂຶ້ນ, ປະຊາຊົນໄດ້ກັບຄືນສູ່ການຜະລິດປົກກະຕິ. ຢູ່ບັນດາທ້ອງຖິ່ນແຄມທະລ, ຊາວປະມົງກໍເລີ່ມເດີນທະເລໄປຫາປາ.