ທີ່ກອງປະຊຸມສຳມະນາ (ພາບ: TTXVN)

        ຕອນເຊົ້າວັນທີ 15 ພະຈິກ, ຢູ່ ຮ່າໂນ້ຍ, ສະພາວິທະຍາສາດບັນດາອົງການພັກສູນກາງ ໄດ້ເປັນປະທານ, ສົມທົບກັບຄະນະບັນນາທິການວາລະສານກອມມູນິດຈັດກອງປະຊຸມສຳມະນາວິທະຍາສາດແຫ່ງຊາດ “ສັງກາດໃໝ່, ສັງກາດບຸກບືນຂອງຊາດ ຫວຽດນາມ - ບັນດາບັນຫາທິດສະດີ ແລະ ພຶດຕິກຳຕົວຈິງ”.

        ບົດປະກອບຄຳເຫັນເກືອບ 50 ບົດ, ພ້ອມກັບບັນດາຄຳເຫັນກ່າວປາໄສທີ່ກອງປະຊຸມ ໄດ້ສຸມໃສ່ເນື້ອໃນຈຳນວນໜຶ່ງ, ຄື: ຄວາມຮັບຮູ້ລວມກ່ຽວກັບ “ສັງກາດໃໝ່, ສັງກາດບຸກບືນຂອງຊາດ ຫວຽດນາມ - ບັນດາບັນຫາທິດສະດີ ແລະ ພຶດຕິກຳຕົວຈິງ”; ທັດສະນະເບື້ອງຕົ້ນກ່ຽວກັບເນື້ອໃນ ແລະ ການພັດທະນາຫຼັກແຫຼ່ງຂອງ “ສັງກາດ ໃໝ່”… ນັກຊ່ຽວຊານດ້ານເສດຖະກິດ ຫງວຽນມິງຟອງ, ຖືວ່າ:

        “ພວກຂ້າພະເຈົ້າຖືວ່າ, ມີ 3 ປັດໃຈສຳຄັນທີ່ສຸດ. ທີ 1 ແມ່ນ, ຕ້ອງສ້າງລະບົບຄຸນຄ່າມາດຕະຖານແຫ່ງຊາດ ຕາມເນື້ອໃນຈິດໃຈຂອງກອງປະຊຸມໃຫຍ່ຄັ້ງທີ 13 ຂອງພັກ ເພື່ອສ້າງຄວາມເຫັນດີເຫັນພ້ອມ, ເປັນເອກະພາບໃນທຸກຂົງເຂດ: ນັບທັງດ້ານການເມືອງ, ເສດຖະກິດ, ວັດທະນະທຳ, ສັງຄົມ ກໍຄືຄອບຄົວ ແລະ ບັນດາປັດໃຈອື່ນໆ. ທີ 2, ສ້າງໃຫ້ສົມບູນແບບກົນໄກປົກປ້ອງຜົນປະໂຫຍດແຫ່ງຊາດ ເພື່ອສ້າງກຳລັງໜູນລວມໃຫ້ແກ່ສັງກາດພັດທະນາຊາດ. ສຸດທ້າຍແມ່ນ, ໃນວຽງງານພະນັກງານ, ຕ້ອງໄດ້ຮັບຄວາມໄວ້ເນື້ອເຊື່ອໃຈຈາກປະຊາຊົນ ແລະ ມີຄວາມສຸດຈິດສຸດໃຈເພື່ອສັງກາດໃໝ່ຂອງຊາດ”.

        ບັນດານັກວິທະຍາສາດກໍ່ປຶກສາຫາລື, ເຮັດແຈ້ງບັນດາບັນຫາກ່ຽວຂ້ອງເຖິງການປະຕິວັດຫັນເປັນດີຈີຕອນ, ຄື: ວິທີຜະລິດດີຈີຕອນ, ການກ່ຽວພັນລະຫວ່າງວິທີການຜະລິດກັບເສດຖະກິດພູມປັນຍາ ແລະ ກັບວິທີການຜະລິດສັງຄົມນິຍົມ.