ສົງຄາມຢູ່ ຕາເວັນອອກກາງ: ຈຳນວນຜູ້ຮັບບາດເຈັບ ແລະ ເສຍຊີວິດທັງໝົດຢູ່ເຂດ ກາຊາ ຫຼາຍກວ່າ 100.000 ຄົນ
(VOVWORLD) - ຈຳນວນຜູ້ຮັບບາດເຈັບ ແລະ ເສຍຊີວິດໃນບັ້ນບຸກໂຈມຕີຮ່ວມກຳລັງຂອງກອງທັບ ອິດສະຣາແອັນ ເຂົ້າເຂດ ກາຊາ ໃນເກືອບ 5 ເດືອນຜ່ານມາ ແມ່ນຫຼາຍກວ່າ 100.000 ຄົນ.
ຕອນຄ່ຳວັນທີ 27 ກຸມພາ, ອົງການສາທາລະນະສຸກ ປາແລັດສະຕິນ ຢູ່ເຂດ ກາຊາ ໃຫ້ຮູ້ວ່າ: ຈຳນວນຜູ້ຮັບບາດເຈັບ ແລະ ເສຍຊີວິດໃນບັ້ນບຸກໂຈມຕີຮ່ວມກຳລັງຂອງກອງທັບ ອິດສະຣາແອັນ ເຂົ້າເຂດ ກາຊາ ໃນເກືອບ 5 ເດືອນຜ່ານມາ ແມ່ນຫຼາຍກວ່າ 100.000 ຄົນ, ໃນນັ້ນ ມີຜູ້ເສຍຊີວິດເກືອບ 30.000 ຄົນ ແລະ ຜູ້ຮັບບາດເຈັບກວ່າ 70.000 ຄົນ. ຜູ້ປະສົບເຄາະຮ້າຍສ່ວນຫຼາຍແມ່ນສາມັນຊົນ, ໃນນັ້ນ ເດັກນ້ອຍ ແລະ ແມ່ຍິງກວມເອົາກວ່າ 70%. ນອກຈາກນັ້ນແລ້ວ, ຍັງມີຜູ້ຫາຍສາບສູນກວ່າ 7.000 ຄົນ ແລະ ອາດຈະເສຍຊີວິດແລ້ວ.
ກ່ຽວຂ້ອງເຖິງສະພາບການປະທະກັນຜ່ານຊາຍແດນລະຫວ່າງກອງທັບ ອິດສະຣາແອັນ ແລະ ກຳລັງ Hezbollah ຢູ່ພາກໃຕ້ ລີບັງ, ຕອນຄ່ຳວັນທີ 27 ກຸມພາ, ທ່ານຫົວໜ້າເສນາທິການກອງທັບ ອິດສະຣາແອັນ Herzi Halevi ໄດ້ກ່າວເຕືອນວ່າ Hezbollah ຈະຖືກເສຍຫາຍຫຼາຍຢ່າງ ຖ້າຫາກວ່າສືບຕໍ່ເປີດກວ້າງບັ້ນບຸກໂຈມຕີແນໃສ່ ອິດສະຣາແອັນ ໃນໄລຍະຜ່ານມາ.
ນັກຂ່າວ VOV ປະຈຳ ອີຢິບ