ແຂກທ່ອງທ່ຽວຕ່າງປະເທດຢູ່ ຖຳ້ ຟອງຍາ - ແກ໋ບ່າງ
|
(vovworld) – ກອງປະຊຸມສົ່ງເສີມການທ່ອງທ່ຽວ “ຟອງຍາ - ແກ໋ບ່າງ - ລາຊະອານາຈັກຂອງຖຳ້” ດ້ວຍການເຂົ້າຮ່ວມຂອງບັນດາວິສາຫະກິດດຳເນີນທຸລະກິດທ່ອງທ່ຽວຫຼາຍແຫ່ງຂອງແຂວງ ກວາງບີ່ງ, ນະຄອນ ໂຮ່ຈີມິນ ແລະ ບັນດາແຂວງ, ຈັດຕັ້ງໃນວັນທີ 18/1, ຢູ່ນະຄອນ ໂຮ່ຈີມິນ. ກອງປະຊຸມເພື່ອແນໃສ່ໂຄສະນາປ່າສະຫງວນແຫ່ງຊາດ ຟອງຍາ - ແກ໋ບ່າງ, ເຊິ່ງແມ່ນທ່າແຮງຂອງທ່ອງທ່ຽວຢູ່ແຂວງ ກວາງບ່ີງ. ດ້ວຍເນື້ອທີ່ກ່ວາ 123.000 ha, ຟອງຍາ - ແກ໋ບ່າງ ມີລະບົບຖຳ້, ແມ່ນຳ້ໃຕ້ດິນກ່ວາ 300 ແຫ່ງ ແລະ ພຶດ, ສັດທີ່ອຸດົມສົມບູນ, ປ່າດົງດິບ… ທ່ານ ຮ່ວາງຫາຍເວີນ, ຜູ້ອຳນວຍການປ່າສະຫງວນແຫ່ງຊາດ ຟອງຍາ - ແກ໋ບ່າງ, ໃຫ້ຮູ້ວ່າ:
“ຟອງຍາ - ແກ໋ບ່າງ ໄດ້ຮັບການຂະໜານນາມວ່າແມ່ນລາຊະອານາຈັກຂອງຖຳ້. ພວກຂ້າພະເຈົ້າກຳນົດວ່ານີ້ແມ່ນຄວາມສາມາດບົ່ມຊ້ອນ, ທ່າແຮງຂອງທ້ອງຖິ່ນ. ດັ່ງນັ້ນ, ໃນໄລຍະຜ່ານມາ, ພວກຂ້າພະເຈົ້າລົງທຶນເຂົ້າໃນບັນດາຮູບການທ່ອງທ່ຽວ, ນອກຈາກການທ່ອງທ່ຽວທຳມະດາແລ້ວຍັງມີການທ່ອງທ່ຽວຖຳ້ທ່ຽວຊົມທິວທັດທຳມະຊາດ, ການທ່ອງທ່ຽວຂຸດຄົ້ນ, ພະຈົນໄພໃຫ້ບັນດາແຂກທ່ອງທ່ຽວຜູ້ມັກຄົ້ນຫາ, ນິຍົມທຳມະຊາດ… ດັ່ງນັ້ນ, ພວກຂ້າພະເຈົ້າມີບັນດາລາຍການທ່ອງທ່ຽວຖຳ້ເພື່ອຕອບສະໜອງຄວາມຕ້ອງການຂອງແຂກທ່ອງທ່ຽວໃຫ້ດີກ່ວາ.”