(vovworld) - ຕອນບ່າຍວັນທີ 13/04, ຢູ່ນະຄອນ Osaka, ສູນສົ່ງເສີມການຄ້າ ແລະ ການລົງທຶນນະຄອນໂຮ່ຈິມິນ ໄດ້ຈັດກອງປະຊຸມສົ່ງເສີມການລົງທຶນ ແລະ ທ່ອງທ່ຽວນະຄອນໂຮ່ຈິມິນ ຢູ່ Osaka, ເນື່ອງໃນໂອກາດການຢ້ຽມຢາມ ແລະ ເຮັດວຽກຂອງຄະນະຜູ້ແທນນະຄອນໂຮ່ຈິມິນ ຢູ່ຍີ່ປຸ່ນ. ກ່າວຄຳເຫັນທີ່ກອງປະຊຸມ, ທ່ານຮອງປະທານຜູ້ປະຈຳການຄະນະກຳມະການປະຊາຊົນນະຄອນໂຮ່ຈິມິນ ເລແທງລຽມ ໃຫ້ຮູ້ວ່າ, ການນຳນະຄອນປາດຖະໜາຢາກເຊີນບັນດາວິສາຫະກິດຍີ່ປຸ່ນ, ພິເສດແມ່ນບັນດາວິສາຫະກິດ Osaka ກໍ່ຄືເຂດ Kansai, ສືບຕໍ່ລົງທຶນເຂົ້ານະຄອນໂຮ່ຈິມິນ ໃນ 3 ຂົງເຂດຈຸດສຸມລວມມີ: ກໍ່ສ້າງພື້ນຖານໂຄງລ່າງທາງຄົມມະນາຄົມຢ່າງຄົບຊຸດດ້ວຍຂອບຂະໜາດໃຫຍ່ ແລະ ທັນສະໄໝ, ສາທາລະສະນຸກ ແລະ ພັດທະນາແຫຼ່ງຊັບພະຍາກອນມະນຸດ. ນີ້ກໍ່ແມ່ນບັນດາຂົງເຂດທີ່ມີທ່າແຮງຂອງຍີ່ປຸ່ນ ເວົ້າລວມ ແລະ ແຂວງ Osaka ເວົ້າສະເພາະ.
ທີ່ກອງປະຊຸມ, ວິສາຫະກິດ 2 ປະເທດໄດ້ແລກປ່ຽນ, ປຶກສາຫາລື ແລະ ເຊື່ອມຕໍ່ເພື່ອແນໃສ່ມຸ່ງໄປເຖິງການລົງທຶນ ກໍຄືພັດທະນາການທ່ອງທ່ຽວ. ພ້ອມກັນນັ້ນ, ບັນດາຜູ້ແທນໄດ້ແບ່ງປັນຂໍ້ມູນຂ່າວສານກ່ຽວກັບສະພາບການເສດຖະກິດ, ນະໂຍບາຍດຶງດູດການລົງທຶນຈາກຕ່າງປະເທດຢູ່ນະຄອນໂຮ່ຈິມິນ; ໄຈ້ແຍກບັນດາແງ່ຫວັງຮ່ວມມືດ້ານການທ່ອງທ່ຽວລະຫວ່າງ Osaka ແລະ ນະຄອນໂຮ່ຈິມິນ…