(vovworld) - ຕອນບ່າຍວັນທີ 18/09, ໃນຂອບເຂດການຢ້ຽມຢາມສ.ເຊັກໂກ, ຄະນະຜູ້ແທນພັກກອມມູນິດຫວຽດນາມ ໂດຍທ່ານນາງ ເຈືອງທິມາຍ, ຫົວໜ້າຄະນະຂົນຂວາຍປະຊາຊົນສູນກາງ ນຳໜ້າ, ໄດ້ມີການເຮັດວຽກກັບການນຳສະມາຄົມຊາວຫວຽດນາມ ແລະ ບັນດາອົງການຈັດຕັ້ງມະຫາຊົນຊາວຫວຽດນາມ ອາໄສຢູ່ສ.ເຊັກໂກ. ຄະນະໄດ້ຮັບຟັງຄວາມຄິດຄວາມເຫັນ, ຄວາມມຸ່ງມາດປາດຖະໜາ ແລະ ແກ້ໄຂບາງຂໍ້ຕິດຂັດຂອງພໍ່ແມ່ປະຊາຊົນກ່ຽວຂ້ອງເຖິງສະພາບການຢູ່ພາຍໃນປະເທດ ແລະ ວຽກງານສຳລັບຊາວຫວຽດນາມ ອາໄສຢູ່ຕ່າງປະເທດ. ກ່າວຄຳເຫັນທີ່ການເຮັດວຽກ, ທ່ານນາງ ເຈືອງທິມາຍ ຕີລາຄາສູງຮູບແບບຈັດຕັ້ງ, ການເຄື່ອນໄຫວຂອງສະມາຄົມຊາວຫວຽດນາມ ອາໄສຢູ່ສ.ເຊັກໂກ ທີ່ໄດ້ປະກອບສ່ວນໂຄສະນາພາບພົດຫວຽດນາມ ແລະ ຊຸກຍູ້ການເຊື່ອມໂຍງຂອງຊາວຫວຽດນາມ ອາໄສຢູ່ສ.ເຊັກໂກ. ຜ່ານບັນດາການພົບປະກັບວົງການນັກການເມືອງສ.ເຊັກໂກ ແລະ ຜ່ານບັນດາການຢ້ຽມຢາມ, ຊອກຮູ້ສະພາບຕົວຈິງຢູ່ບາງທ້ອງຖິ່ນຂອງສ.ເຊັກໂກ, ທ່ານນາງ ເຈືອງທິມາຍ ສະເໜີໃຫ້ການນຳສະມາຄົມ, ພິເສດແມ່ນວຽກງານສຶກສາລຸ້ນໜຸ່ມຮັກສາສີສັນວັດທະນະທຳຂອງຊາດ, ໃນນັ້ນມີພາສາຫວຽດ, ສົ່ງເສີມ, ລະດົມກຳລັງໃຈໃຫ້ພໍ່ແມ່ປະຊາຊົນສາມັກຄີ, ຜ່ານຜ່າຄວາມຫຍຸ້ງຍາກ, ດຳລົງຊີວິດ ແລະ ເຮັດວຽກຕາມກົດໝາຍຂອງສ.ເຊັກໂກ, ພ້ອມທັງອວ່າຍໜ້າເມືອຫາບ້ານເກີດເມືອງນອນ, ປະເທດຊາດ.
ກ່ອນໜ້ານັ້ນໃນວັນດຽວກັນ, ທ່ານນາງ ເຈືອງທິມາຍ ໄດ້ມີການເຮັດວຽກກັບການນຳສະມາຄົມມິດສະພາບເຊັກໂກ - ຫວຽດນາມ. ຕອນເຊົ້າວັນທີ 19/09, ຄະນະຜູ້ແທນໄດ້ເດີນທາງກັບເມືອປະເທດ, ສິ້ນສຸດການຢ້ຽມຢາມ ແລະ ເຮັດວຽກຢູ່ສ.ເຊັກໂກ.