(vovworld) – ຕອນ​ເຊົ້າ​ວັນ​ທີ 31/12, ຢູ່​ຮ່າ​ໂນ້ຍ ​ໄດ້​ຈັດ​ພິທີ​ລົງ​ນາມ​ໂຄງການ​ສົມ​ມົບກັນ​ລະຫວ່າງ​ຄະນະ​ປະຈຳ​ຄະນະ​ກຳມະການ​ສູນ​ກາງ​ແນວ​ໂຮມ​ປະ​ເທດ​ຊາດ​ຫວຽດນາມ ​ແລະ ຄະນະ​ປະທານສະຫະພັນ​ແມ່ຍິງ​ຫວຽດນາມ. ພິທີ​ລົງ​ນາມ​ເພື່ອ​ແນ​ໃສ່​ເພີ່ມ​ທະວີ​ການ​ສົມທົບ​ກັນ​ລະຫວ່າງຄະນະ​ກຳມະການ​ແນວ​ໂຮມ​ປະ​ເທດ​ຊາດ​ຫວຽດນາມ ​ແລະ ຄະນະ​ປະທານ​ສູນ​ກາງ​ສະຫະພັນແມ່ຍິງ​ຫວຽດນາມ ​ໃນ​ການ​ເປັນ​ເສນາ​ທິການ​ກ່ຽວ​ກັບ​ວຽກ​ງານ​ພະນັກງານ​​ຍິງ, ​ແມ່ນ​ພື້ນຖານ​ດ້ານ​ກົດໝາຍ​ເພື່ອ​ໃຫ້ 2 ອົງການ​ເປັນ​ເອກະ​ພາບ​ທັດສະນະ​ຊີ້​ນຳ​ບັນດາ​ຫົວ​ໜ່ວຍ​ຂຶ້ນ​ກັບ, ຈາກ​ນັ້ນ ​ເສີມ​ຂະຫຍາຍ​ບົດບາດ​, ໜ້າ​ທີ່​ຂອງ​ອົງການ​ຈັດ​ຕັ້ງ, ປະກອບສ່ວນ​ເພີ່ມ​ອັດຕາ​ສະມາຊິກ​ສະພາ​ແຫ່ງ​ຊາດ​ ​ແລະ ສະພາ​ປະຊາຊົນ​ຍິງ​ໃນ​ທຸກ​ຂັ້ນ ອາຍຸ​ການ 2016 – 2021. ຕາມ​​ແຜນການ​ທີ່​ລົງ​ນາມ, 2 ຝ່າຍ ສົມທົບ​ກັນ​​ໃນ​ການ​ໃຫ້​ຄຳ​ປຶກສາ, ສະ​ເໜີ​ນະ​ໂຍບາຍ; ສົມທົບ​ກັນ​ຈັດ​ຕັ້ງ​ວຽກ​ງານ​ພະນັກງານ​ຍິງ, ພິ​ເສດ​ ​ເປັນ​ເຈົ້າ​ການ​ໃນ​ການ​ໂຄສະ​ນາ​ແຫຼ່ງບຸກຄະລາ​ກອນ​ຍິງ ​ເຂົ້າ​ຮ່ວມ​ການ​ອອກ​ສະໝັກ​ເປັນ​ສະມາຊິກ​ສະພາ​ແຫ່ງ​ຊາດ ​ແລະ ສະພາ​ປະຊາຊົນ​ທຸກ​ຂັ້ນ; ຍົກ​ສູງ​ກຳລັງ​ຄວາມ​ສາມາດ​ໃຫ້​ພະນັກງານ​ຍິງ, ສະມາຊິກ​ສະພາ​ແຫ່ງ​ຊາດ​ຍິງ ​ແລະ ​ສະ​ມາ​ຊິກສະພາ​ປະຊາຊົນ​​ຍິງທຸກ​ຂັ້ນ ​ແລະ ກໍ່ສ້າງ​ເຄືອ​ຂ່າຍ​ພະນັກງານ​ຍິງ, ສົມທົບ​ກັນ​ຕິດຕາມ​ກວດກາ​ໃນ​ວິວັດ​ການ​ເລືອກ​ຕັ້ງ.