(vovworld) - ຄວາມມານະພະຍາຍາມບັນລຸໄດ້ຮ່າງກົດໝາຍ “ສິດຊຸກຍູ້ການຄ້າ” (TPA), ຫຼື ເອີ້ນວ່າ ສິດເຈລະຈາໄວຂອງທ່ານປະທານາທິບໍດີອາເມລິກາ Barack Obama ໃນວັນທີ 11/06 ໄດ້ຜ່ານຜ່າສິ່ງກີດຂວາງທຳອິດຢູ່ສະພາຕໍ່າອາເມລິກາ ເພື່ອກະກຽມໃຫ້ແກ່ການປ່ອນບັດຄັ້ງສຸດທ້າຍ. ດ້ວຍບັດເຫັນດີ 217 ບັດ ແລະ ບັດຄ້ານ 212 ບັດ, ສະພາຕໍ່າອາເມລິກາ ໄດ້ເຫັນດີຍົກຮ່າງກົດໝາຍກ່ຽວກັບສິດເຈລະຈາໄວອອກມາ ເພື່ອປ່ອນບັດໃນວັນທີ 12/06. ຄຽງຂ້າງນັ້ນ, ດ້ວຍບັດເຫັນດີ 397 ບັດ ແລະ ບັດຄ້ານ 32 ບັດ, ສະພາຕໍ່າອາເມລິກາ ກໍ່ໄດ້ຮັບຮອງເອົາມາດຕະການອະນຸຍາດໃຫ້ສະໜອງງົບປະມານເພື່ອໜູນຊ່ວຍບັນດາຄົນງານທີ່ບໍ່ມີວຽກເຮັດງານທຳຍ້ອນສັນຍາການຄ້າຂ້າມປາຊີຟິກ (TPP), ຫາກບໍ່ຫຼຸດຜ່ອນງົບປະມານທີ່ສະຫງວນໃຫ້ບັນດາໂຄງການສົ່ງເສີມສຸຂະພາບ Medicare.