ພິທີລົງນາມໃນໂຄງການສົມທົບວຽກງານລະຫວ່າງ ສູນກາງແນວໂຮມປະເທດຊາດຫວຽດນາມ ແລະ ຄະນະກຳມະການຊົນເຜົ່າ ໄລຍະ 2012-2016
(ພາບ: baomoi.com)
|
Vovworld- ພິທີລົງນາມໃນໂຄງການສົມທົບວຽກງານລະຫວ່າງ ຄະນະປະຈຳຄະນະກຳມະການສູນກາງແນວໂຮມປະເທດຊາດຫວຽດນາມ ແລະ ຄະນະກຳມະການຊົນເຜົ່າ ໄລຍະ 2012-2016 ໄດ້ຖືກຈັດຂຶ້ນໃນຕອນບ່າຍວັນທີ 17/4 ຢູ່ຮ່າໂນ້ຍ ແນໃສ່ສົມທົບກັນໂຄສະນາ, ຂົນຂວາຍພໍ່ແມ່ປະຊາຊົນບັນດາເຜົ່າປະຕິບັດຕາມແຜນນະໂຍບາຍ ແນວທາງຂອງພັກ, ນະໂຍບາຍ ກົດໝາຍຂອງລັດກ່ຽວກັບວຽກງານຊົນເຜົ່າທີ່ມີຕໍ່ເຂດປະຊາຊົນບັນດາເຜົ່າສ່ວນໜ້ອຍ ແລະ ເຂດພູດອຍ, ຈັດຕັ້ງບັນດາບັ້ນຂົນຂວາຍ, ຂະບວນການຮັກຊາດ. ພ້ອມກັນນັ້ນກໍຂົນຂວາຍປະຊາຊົນບັນດາເຜົ່າສາມັກຄີຊ່ວຍເຫຼືອກັນເພື່ອພັດທະນາເສດຖະກິດ, ລົບລ້າງຄວາມອຶດຫິວຫຼຸດຜ່ອນຄວາມທຸກຍາກ, ສ້າງຊີວິດວັດທະ ນະທຳ, ຮັບປະກັນສະຖຽນລະພາບດ້ານການເມືອງ, ຄວາມເປັນລະບຽບ ຮຽບຮ້ອຍທາງສັງຄົມ... ທີ່ພິທີລົງນາມ, ທ່ານ Giang Seo Phu ປະທານຄະນະກຳມະການຊົນເຜົ່າຊີ້ແຈງວ່າ :
“ ໂດຍຜ່ານວຽກງານພົບປະກັບຜູ້ມີສິດເລືອກຕັ້ງ, ສ່ອງແສງຄວາມມຸ່ງມາດປາດທະໜາຂອງ ຜູ້ມີສິດເລືອກຕັ້ງໃນທົ່ວປະເທດ, ພິເສດແມ່ນເຂດ ປະຊາຊົນ ບັນດາເຜົ່າ, 2 ຝ່າຍຕ້ອງມີການປະສານສົມທົບກັນເພື່ອແກ້ໄຂ ແລະ ສ່ອງແສງຢ່າງເຕັມສ່ວນເຖິງບັນດາອົງການທີ່ມີສິດອຳນາດຂອງພັກ, ລັດ ແລະ ສະພາແຫ່ງຊາດເພື່ອແກ້ໄຂບັນດາຂໍ້ສະເໜີແນະຂອງ ຜູ້ມີສິດເລືອກຕັ້ງຢ່າງມີປະສິດທິຜົນ ”