ສັນຍາການຄ້າເສລີ - ກຳລັງໜູນທີ່ດີໃຫ້ວິສາຫະກິດ ແລະ ພື້ນຖານ ເສດຖະກິດ
(ສັນຍາການຄ້າເສລີ - ກຳລັງໜູນທີ່ດີໃຫ້ວິສາຫະກິດ ແລະ ພື້ນຖານເສດຖະກິດ)
(vovworld) – ເລື່ຶອງຫວຽດນາມ ເຂົ້າຮ່ວມບັນດາສັນຍາການຄ້າເສລີ ຈະສ້າງກຳລັງໜູນທີ່ດີໃຫ້ແກ່ການເຕີບໂຕຂອງວິສາຫະກິດ ແລະ ພື້ນຖານເສດຖະກິດໃນໄລຍະຈະມາເຖິງ. ຂໍ້ສັງເກດດັ່ງກ່າວຖືກຍົກອອກມາ ທີ່ການໂອ້ລົມສົນທະນາໂດຍກົງຜ່ານເຄືອຂ່າຍອີເຕີແນັດ ດ້ວຍຫົວຂໍ້ວ່າ “ຫວຽດນາມ ເຂົ້າຮ່ວມບັນດາສັນຍາການຄ້າເສລີ” (FTA), ໂດຍປະຕູຖານຂໍ້ມູນລັດຖະບານຈັດຕັ້ງໃນຕອນບ່າຍວັນທີ 20/03, ຢູ່ຮ່າໂນ້ຍ. ຕາມກະຊວງອຸດສາຫະກຳການຄ້າຫວຽດນາມ ແລ້ວ, ໄລ່ຮອດທ້າຍປີ 2014, ຫວຽດນາມ ໄດ້ເຂົ້າຮ່ວມສັນຍາເຂດການຄ້າເສລີ 8 ສະບັບ, ໃນນັ້ນມີສັນຍາ FTA ພາກພື້ນອາຊຽນ ແລະ ບັນດາຄູ່ຮ່ວມມື 6 ສະບັບ; ສັນຍາ 2 ຝ່າຍກັບຍີ່ປຸ່ນ ແລະ ຈີເລ 2 ສະບັບ. ປະຈຸບັນ, ຫວຽດນາມ ພວມເຈລະຈາສັນຍາການຄ້າເສລີ 7 ສະບັບ, ໃນນັ້ນໜ້າສົນໃຈແມ່ນບາງສັນຍາການຄ້າເສລີຢູ່ໃນລະດັບເສລີສູງກວ່າຄື ສັນຍາຄູ່ຮ່ວມມືຂ້າມປາຊີຟິກ (TPP), ສັນຍາການຄ້າເສລີລະຫວ່າງຫວຽດນາມ - EU. ທ່ານລັດຖະມົນຕີຊ່ວຍວ່າການກະຊວງອຸດສາຫະກຳການຄ້າ ເຈີນກວກແຄ໋ງ ໃຫ້ຂໍ້ສັງເກດວ່າ, ເລື່ອງເຂົ້າຮ່ວມບັນດາສັນຍາການຄ້າ ໄດ້ມີຜົນສະທ້ອນຢ່າງຕັ້ງໜ້າເຖິງວົງເງິນສົ່ງອອກ, ຊ່ວຍຫຼຸດຜ່ອນການນຳເຂົ້າເກີນດຸ່ນ.
“ເມື່ອເຂົ້າຮ່ວມ FTA ຫຼາຍສະບັບ, ລັດຖະບານໄດ້ຊີ້ນຳການກໍ່ສ້າງຍຸດທະສາດການເຈະລຈາ ແລະ ເຂົ້າຮ່ວມ FTA. ທຳອິດແມ່ນເລືອກຄູ່ຮ່ວມມື, ບັນລຸໄດ້ຜົນປະໂຫຍດໃດ, ຍ້ອມຮັບບັນດາສິ່ງທະທ້າຍໃດ. ພິເສດ, ເມື່ອເຂົ້າຮ່ວມສັນຍາ FTA ຕ້ອງສ້າງໄດ້ກຳລັງຊຸກຍູ້ພ້ອມກັບຄວາມມານະພະຍາຍາມປະຕິຮູບພາຍໃນປະເທດ, ບໍ່ສ້າງຜົນສະທ້ອນກົງກັນຂ້າມ. ພ້ອມທັງ, ຍົກອອກຄວາມຮຽກຮ້ອງຄວບຄຸມລະດັບເຊື່ອມໂຍງດ້ານເສດຖະກິດ ຕາມວິວັດທະນາການ. ສະນັ້ນ, ບໍ່ຕ້ອງເປັນຫ່ວງມີການກ້າວກ່າຍກັນ”.