 |
(vovworld) – ເພື່ອແນໃສ່ຍູ້ແຮງການປະຕິບັດສັນຍາການຄ້າເສລີ ອີຢູ - ຫວຽດນາມ ໃນປີ 2018, ໃນປີນີ້, ຫ້ອງການການຄ້າ ເອີລົບ (Eurocharm) ປະຈຳ ຫວຽດນາມ ຈະຈັດຕັ້ງການເຄື່ອນໄຫວຫຼາຍຢ່າງ, ໃນນັ້ນມີກອງປະຊຸມສຳມະນາວິໄສທັດ ອີຢູ - ຫວຽດນາມ FTA ຈະຈັດຕັ້ງໃນວັນທີ 2/3 ຈະມາເຖິງຢູ່ ຫວຽດນາມ.
ດ້ວຍຫົວຂໍ້ວ່າ “ສັນຍາການຄ້າເສລີ ອີຢູ - ຫວຽດນາມ ແລະ ຍູ້ແຮງການເຄື່ອນໄຫວຂົນຂວາຍນະໂຍບາຍ”, ປີນີ້, ຫ້ອງການການຄ້າ ເອີລົບ ຈະຈັດຕັ້ງບັນດາການເຄື່ອນໄຫວຢູ່ນະຄອນ ຮ່າໂນ້ຍ ແລະ ນະຄອນ ໂຮ່ຈີມິນ. ແລະກໍ່ໃນປີນີ້, Eurocharm ຈະຈັດຕັ້ງກອງປະຊຸມສຳມະນາ, ການພົບປະຫຼາຍຄັ້ງກັບບັນດາວິສາຫະກິດ ແລະ ໂອ້ລົມສົນທະນາກັບລັດຖະບານ ຫວຽດນາມ… ແນໃສ່ເຜີຍແຜ່ເນື້ອໃນສັນຍາການຄ້າເສລີ ອີຢູ - ຫວຽດນາມ ໃຫ້ແກ່ວິສາຫະກິດ ຫວຽດນາມ. ທ່ານ ຫວໍກວາງເຫ້ວ, ສະມາຊິກຄະນະບໍລິຫານງານ Eurocharm ປະຈຳ ຫວຽດນາມ, ໃຫ້ຮູ້ວ່າ: ບັນດາການເຄື່ອນໄຫວຈະປະກອບສ່ວນໜູນຊ່ວຍເພື່ອປ່ຽນແປງນະໂຍບາຍ, ຊຸຸກຍູ້ການເຕີບໂຕດ້ານເສດຖະກິດ ຢູ່ ຫວຽດນາມ ໃນໄລຍະຈະມາເຖິງ. ຫ້ອງການການຄ້າເອີລົບ ຈະຍູ້ແຮງການສົມທົບກັບບັນດາກະຊວງ, ຂະແໜງການ… ເຜີຍແຜ່ເນື້ອໃນ, ໜູນຊ່ວຍການລົງທຶນຈາກ ເອີລົບ ໃຫ້ ຫວຽດນາມ ຫຼາຍກ່ວາ ເມື່ອສັນຍາການຄ້າເສລີ ອີຢູ - ຫວຽດນາມ ກ້າວເຂົ້າສູ່ສະພາບຕົວຈິງໃນປີ 2018:
“ເສດຖະກິດຂອງ ຫວຽດນາມ ປີ 2015 ມີບັນດາການຫັນປ່ຽນຢ່າງຕັ້ງໜ້າ. ພວກຂ້າພະເຈົ້າຄິດວ່າ, ໃນປີ 2016 ນີ້ຈະສືບຕໍ່ໄດ້ຮັບການຮັກສາໄວ້. ພິເສດແມ່ນເລື່ອງເຊັນບັນດາສັນຍາການຄ້າເສລີ EU - ຫວຽດນາມ ຈະສ້າງປະຖົມປັດໄຈໃຫ້ແກ່ການລົງທຶນ ແຂງແຮງກ່ວາ. ຫວ່າງແລ້ວນີ້, ພວກຂ້າພະເຈົ້າໄດ້ປະກາດເນື້ອໃນຂອງສັນຍານີ້, ເລື່ອງຊອກຮູ້ນັ້ນຈະຊ່ວຍໃຫ້ແກ່ການແກ່ງແຍ້ງ ແລະ ການສົ່ງອອກຂອງ ຫວຽດນາມ ໄປຍັງປະຊາຄົມ ເອີລົບ ແຂງແຮງກ່ວາໃນໄລຍະຈະມາເຖິງ.”