(vovworld) – ວັນທີ 04/09, ຢູ່ຮ່າໂນ້ຍ, ສະຖານບັນສຶກສາສາກົນ (ມະຫາວິທະຍາໄລເສດຖະກິດແຫ່ງຊາດ) ໄດ້ສົມທົບກັບມະຫາວິທະຍາໄລເສດຖະກິດ ແລະ ຄຸ້ມຄອງ Solvay ບຣຸກແຊນ - ມະຫາວິທະຍາໄລສັງລວມເສລີ ບຣຸກແຊນ, ປະເທດແບນຊິກ, ຈັດເວທີປາໄສວິສາຫະກິດດ້ວຍຫົວຂໍ້ວ່າ “ສັນຍາການຄ້າເສລີອີຢູ - ຫວຽດນາມ ແລະ ຜົນປະໂຫຍດຂອງວິສາຫະກິດ”. ຕາມທ່ານສາດສະດາຈານ Claudio Dordi, ຫົວໜ້າກຸ່ມໜູນຊ່ວຍດ້ານເຕັກນິກຂອງໂຄງການໜູນຊ່ວຍນະໂຍບາຍການຄ້າ ແລະ ການລົງທຶນຂອງເອີລົບ, ປະຈຳຫວຽດນາມ ແລ້ວ, ມີ 5 ແງ່ມູມສຳຄັນເຊິ່ງວິສາຫະກິດສົ່ງອອກສິ້ນຄ້າໄປຍັງເອີລົບ ຕ້ອງກຳແໜ້ນ ເພື່ອໄດ້ຮັບຜົນປະໂຫຍດຈາກສັນຍາການຄ້າເສລີ ອີຢູ - ຫວຽດນາມ (EVFTA), ນັ້ນແມ່ນ, ພາສີອາກອນ ແລະ ບັນດາລະບຽບການບໍລິຫານ, ກຳນົດກາໝາຍສິນຄ້າ ແລະ ຊັບຊິນພູມປັນຍາ, ກຳນົດກ່ຽວກັບຄຸນນະພາບ ແລະ ຄວາມປອດໄພ, ວຽກງານພະລາທິການ ແລະ ຄຸ້ມຄອງຫຼີກຫຼຽງຄວາມສ່ຽງ. ວັນທີ 04/08/2015, EVFTA ສິ້ນສຸດການເຈລະຈາເປັນພື້ນຖານ, ເມື່ອສັນຍານີ້ໄດ້ຮັບການລົງນາມ ຈະປະກອບສ່ວນສຳຄັນເຂົ້າໃນເລື່ອງນຳຫວຽດນາມ ເຊື່ອມໂຍງເຂົ້າກັບພື້ນຖານເສດຖະກິດໂລກຢ່າງເລິກເຊິ່ງກວ່າ.