ສັນຍານໃໝ່ໃຫ້ແກ່ການໂອ້ລົມສົນທະນາໂດຍສັນຕິລະຫວ່າງ ອາບການິດສະຖານ ແລະ ຕາລີບານ
ເຈົ້າໜ້າທີ່ຫຼັກແຫຼ່ງຂອງ ຕາລີບານ ແມ່ນ Mallah Abdul Ghani Baradar ພວມຖືກັກຂັງ ຢູ່ ປາກິດສະຖານ
(ພາບ: Times Live)
(vovworld) - ບັນດາຜູ້ຕາງໜ້າຂອງລັດຖະບານ ອາບການິດສະຖານ ໄດ້ມີການພົບປະລັບກັບເຈົ້າໜ້າທີ່ຫຼັກແຫຼ່ງຜູ້ໜຶ່ງຂອງ ຕາລີບານ ທີ່ພວມຖືກກັກຂັງຢູ່ຄຸກແຫ່ງໜຶ່ງຂອງ ປາກິດສະຖານ. ນີ້ແມ່ນການກະທຳອາດຈະນຳມາເຊິ່ງຄວາມຫວັງໃໝ່ກ່ຽວກັບການໂອ້ລົມສົນທະນາໂດຍສັນຕິລະຫວ່າງ 2 ຝ່າຍ. ຕາມແຫຼ່ງຂ່າວຈາກເຈົ້າໜ້າທີ່ຂັ້ນສູງ ອາບການິດສະຖານແລ້ວ ເຈົ້າໜ້າທີ່ຫຼັກແຫຼ່ງຂອງ ຕາລີບານ ແມ່ນ Mallah Abdul Ghani Baradar, ຜູ້ບັນຊາການທະຫານ, ມີສິດອຳນາດທີ 2 ຂອງກຳລັງນີ້. ໃນການພົບປະທີ່ດຳເນີນກ່ອນນີ້ 2 ເດືອນ ກ່ອນທີ່ກຸ່ມເຈົ້າໜ້າທີ່ ອາບການິດສະຖານ ພ້ອມກັບບັນດາພາລະກອນການຕ່າງປະເທດ ອາບການິດສະຖານ ຢູ່ ປາກິດສະຖານ ແລກປ່ຽນກ່ຽວກັບການໂອ້ລົມສົນທະນາໂດຍສັນຕິ, ລັດຖະບານ ອາບການິດສະຖານ ໄດ້ສະເໜີຕໍ່ວົງການເຈົ້າໜ້າທີ່ ປາກິດສະຖານ ປ່ອຍຕົວໃຫ້ Baradar ຍ້ອນວ່າ, ຜູ້ນີ້ໄດ້ສະແດງຄວາມສົນໃຈຕໍ່ການໂອ້ລົມສົນທະນາໂດຍສັນຕິ ພ້ອມກັບລັດຖະບານ ອາບການິດສະຖານ. ກະຊວງການຕ່າງປະເທດ ປາກິດສະຖານ ໄດ້ຮັບຮູ້ວ່າ ພວມແລກປ່ຽນກັບ ອາບການິດສະຖານ ກ່ຽວກັບຄວາມສາມາດປ່ອຍຕົວໃຫ້ Baradar, ແຕ່ເຖິງຢ່າງໃດກໍຕາມຍັງບໍ່ທັນມີຄຳຕັດສິນໃດຖືກຍົກອອກມາເທື່ອ.