ສັນຕະປາປາ Francis (ພາບ: AP)
(vovworld) - ວັນທີ 27/03, ໃນສານເນື່ອງໃນໂອກາດບຸນ ອົດສະເຕີ , ສັນຕະປາປາ Francis ໄດ້ກ່າວປະນາມອີກເທື່ອໜຶ່ງ ຕົວການຂອງບັນດາເຫດກໍ່ການຮ້າຍຢ່າງນອງເລືອດທີ່ເກີດຂຶ້ນຢູ່ໂລກໃນຊຸມວັນຜ່ານມາ, ສະແດງຄວາມເສົ້າໂສກເສຍດາຍກັບຜູ້ທີ່ປະສົບເຄາະຮ້າຍ, ພ້ອມທັງຮຽກຮ້ອງປະຊາຄົມສາກົນ ມານະພະຍາຍາມສະກັດກັ້ນການໃຊ້ຄວາມຮຸນແຮງດັ່ງກ່າວ. ສັນຕະປາປາ Francis ເນັ້ນໜັກວ່າ: ໃນໄລຍະຜ່ານມາ ບັນດາເຫດທີ່ໃຊ້ຄວາມຮຸນແຮງໄດ້ພາໃຫ້ສາມັນຊົນຫລາຍຄົນຢູ່ ແບນຊິກ, ຕວກກີ, ນີເຊເຣຍ ເສຍຊີວິດ. ສັນຕະປາປາ Francis ກໍ່ປາດຖະໜາຢາກໃຫ້ ປາແລັດສະຕີນ, ຢູແກນ, ລີບີ, ເຢແມນ ແລະ ອີຣັກ ມີສັນຕະພາບ, ພ້ອມທັງກະຕຸກຊຸກຍູ້ສາກົນ ຊອກຫາມາດຕະການແກ້ໄຂຢ່າງໄວ ເພື່ອຢຸດຕິການປະທະກັນທີ່ແກ່ຍາວຢູ່ ຊີຣີ . ແລະກໍ່ໃນສານດັ່ງກ່າວ ສັນຕະປາປາ Francis ກໍ່ຮຽກຮ້ອງໃຫ້ປະຊາຄົມສາກົນໜູນຊ່ວຍຊາວລີ້ໄພ ແລະ ຄົນທຸກຍາກອຶດຫິວໃນສະພາບການທີ່ ເອີລົບ ພວມປະຮັບກັບວິວິດການຊາວອົບພະຍົບຄັ້ງໃຫຍ່ສຸດນັບແຕ່ສົງຄາມໂລກຄັ້ງທີ 2.