ຜູ້ຖືກສົງໄສໃນເຫດວາງລະເບີດຢູ່ໄທ ໃນວັນທີ 7/8
(ພາບ:phapluattp.vn)
(vovworld) – ວັນທີ 19/10, ຕຳຫລວດ ໄທ ໄດ້ຖະແຫຼງສິ້ນສຸດການສືບສວນສອບສວນອາຍາເບື້ອງຕົ້ນກ່ຽວກັບເຫດວາງລະເບີດທີ່ນອງເລືອດໄດ້ເກີດຂຶ້ນຢູ່ນະຄອນຫລວງ ບາງກອກ ໃນວັນທີ 17/8 ແລະ ຈະດຳເນີນລະບຽບການ ເພື່ອແນໃສ່ກ່າວໂທດຜູ້ຖືກສົງໄສ 2 ຄົນທີ່ພວມຖືກກັກຂັງຢ່າງເປັນທາງການ. ກ່າວຄຳເຫັນພາຍຫລັງການປະຊຸມກັບບັນດານັກສືບສວນສອບສວນ, ຜູ້ນຳກຳລັງຕຳຫລວດແຫ່ງຊາດ ໄທ ຈັກທິບ ໄຊຈິນດາ ໃຫ້ຮູ້ວ່າ: ຜູ້ຖືກສົງໄສ 2 ຄົນຈະຂຶ້ນສານດຳເນີນຄະດີໃນ 2 ອາທິດຈະມາເຖິງ. ຕາມທ່ານ ຈັກທິບ ໄຊຈິນດາ ຕຳຫລວດ ໄທ ຈະສືບຕໍ່ຈັບຕົວຜູ້ຖືກສົງໄສອື່ນອີກ 15 ຄົນ ທີ່ພວມຊອກຈັບ. ການສືບສວນສອບສວນຈະສືບຕໍ່ດຳເນີນ ຖ້າມີບັນດາຜູ້ສົງໄສຖືກຈັບຕົວຕື່ມອີກ.