ສິ້ນສຸດຮອບເຈລະຈາຄັ້ງທີ 6 FTA ລະຫວ່າງ ຫວຽດນາມ ແລະ ພັນທະພາບພາສີ ລັດເຊຍ-ເບຣາຣຸດ-ກະຊັກສຖານ
ຮອບເຈລະຈາຄັ້ງທີ 6 ສັນຍາການຄ້າເສລີ (FTA) ລະຫວ່າງ
ຫວຽດນາມ ແລະ ພັນທະພາບພາສີ ລັດເຊຍ-ເບຣາຣຸດ-ກະຊັກສຖານ
(ພາບ: vietnamplus.vn)
(vovworld) – ຮອບເຈລະຈາຄັ້ງທີ 6 ສັນຍາການຄ້າເສລີ (FTA) ລະຫວ່າງຫວຽດນາມ ແລະ ພັນທະພາບພາສີ ລັດເຊຍ-ເບຣາຣຸດ-ກະຊັກສຖານ ສິ້ນສຸດລົງໃນວັນທີ 20/06 ພາຍຫຼັງດຳເນີນໄປເປັນເວລາ 5 ວັນຢູ່ລັດເຊຍ. ກ້າວເຂົ້າສູ່ຮອບເຈລະຈາຄັ້ງນີ້, ບັນດາກຸ່ມປະຕິບັດງານຂອງຫວຽດນາມ ແລະ ພັນທະພາບພາສີ ລ້ວນແຕ່ວາງອອກຄວາມຕັດສິນໃຈແກ້ໄຂບັນດາບັນຫາຍັງຄົງຂ້າງ ເພື່ອສຳເລັດບັນດາເນື້ອໃນຂອງສັນຍາໂດຍໄວ ເຊິ່ງຄາດວ່າດຳເນີນໃນທ້າຍປີ 2014. ກ່າວຄຳເຫັນທີ່ວາລະອັດ, ທ່ານຫົວໜ້າຄະນະເຈລະຈາຂອງພັນທະພາບພາສີ ລັດເຊຍ-ເບຣາຣຸດ-ກະຊັກສຖານ Andray Slepnhev ໃຫ້ຮູ້ວ່າ.
“ທີ່ຮອບເຈລະຈາຄັ້ງທີ 6 ນີ້, ພວກຂ້າພະເຈົ້າເປັນສະມາຊິກໃນຄະນະເຈລະຈາບັນລຸໄດ້ໝາກຜົນອັນດີງາມ, ຖືກກັບທຸກສິ່ງທີ່ໄດ້ເປັນເອກະພາບທີ່ການພົບປະເຊິ່ງດຳເນີນໄປຢູ່ດ່ານັ້ງ. ການເຈລະຈາຄັ້ງນີ້ບັນລຸໄດ້ຄວາມກ້າວໜ້າຫຼາຍພໍສົມຄວນໃນບັນດາເນື້ອໃນຂອງສັນຍາ ແລະ ມຸ່ງໄປເຖິງຈິດໃຈຊຸກຍູ້ບັນດາການພົວພັນທີ່ຕ່າງຝ່າຍຕ່າງມີຜົນປະໂຫຍດ.”
ສ່ວນທ່ານຫົວໜ້າຄະນະເຈລະຈາຫວຽດນາມ, ລັດຖະມົນຕີກະຊວງອຸດສາຫະກຳການຄ້າ ຫວູຮຸຍຮ່ວາງ ແບ່ງປັຍວ່າ.
“ອາດເວົ້າໄດ້ວ່າ, ຮອບເຈລະຈາຄັ້ງນີ້ບັນລຸໄດ້ໝາກຜົນຄືດັ່ງຄວາມມຸ່ງຫວັງ. ສ່ວນບັນດາບັນຫາທີ່ຍັງຄົງຂ້າງແມ່ນບໍ່ຫຼາຍ ແລະ ໄດ້ມີບັນດາວິທີສຳພັດແລ້ວ. ບົນຈິດໃຈນັ້ນ, ທັງ 2 ຄະນະລ້ວນແຕ່ເຊື່ອໝັ້ນວ່າ, ລະດັບຄວາມຄືບໜ້າ ແລະ ຄາດໝາຍສິ້ນສຸດການເຈລະຈາ ແມ່ນອາດສາມາດເປັນໄປໄດ້.”
ຮອບເຈລະຈາຄັ້ງທີ 7 ຈະໄດ້ຈັດຂຶ້ນແຕ່ວັນທີ 15 – 19/09 ຢູ່ສະຫະພັນລັດເຊຍ.