ວັນທີ 17 ມິຖຸນາ, ຢູ່ນະຄອນເກີນເທີ ຂອງຫວຽດນາມ ໄດ້ດຳເນີນວັນບຸນບໍລິຈາກເລືອດ  “ຂະບວນການບໍລິຈາກເລືອດ ເຕີຍໂດ 2018”, ອັນໄດ້ດຶງດູດການເຂົ້າຮ່ວມຂອງບັນດາພະນັກງານ, ນັກຮົບ, ສະມາຊິກຊາວໜຸ່ມ ພ້ອມກັບປະຊາຊົນ ນັບພັນໆຄົນ.

ວັນທີ 17 ມິຖຸນາ, ຢູ່ນະຄອນເກີນເທີ ຂອງຫວຽດນາມ ໄດ້ດຳເນີນວັນບຸນບໍລິຈາກເລືອດ  “ຂະບວນການບໍລິຈາກເລືອດ ເຕີຍໂດ 2018”, ອັນໄດ້ດຶງດູດການເຂົ້າຮ່ວມຂອງບັນດາພະນັກງານ, ນັກຮົບ, ສະມາຊິກຊາວໜຸ່ມ ພ້ອມກັບປະຊາຊົນ ນັບພັນໆຄົນ.

        ດ້ວຍສານທີ່ວ່າ “ເຊື່ອມຕໍ່ຄວາມຮັກແພງ ແລະ ຊ່ວຍເຫຼືອເຊິ່ງກັນແລະກັນ”, ສະພາກາແດງນະຄອນເກີນເທີ ປາດຖະໜາວ່າ ຜ່ານວັນບຸນບໍລິຈາກເລືອດ “ຂະບວນການບໍລິຈາກເລືອດ ເຕີຍໂດ 2018” ໄດ້ສ້າງຈຸດວັດທະນະທຳອັນດີງາມໃນການບໍລິຈາກເລືອດເພື່ອກອບກູ້ເອົາຊີວິດມະນຸດ ແລະເປີດກວ້າງເປົ້າໝາຍເຂົ້າຮ່ວມການບໍລິຈາກເລືອດດ້ວຍຄວາມສະໝັກໃຈ.

        ກ່ອນໜ້ານັ້ນ, ວັນທີ 16 ມິຖຸນາ, ຢູ່ແຂວງກວາງນິງ, ກໍໄດ້ດຳເນີນເຫດການວັນບຸນບໍລິຈາກເລືອດ “ຢາດເລືອດແດງຢູ່ເຂດບໍ່ແຮ່- ເຊື່ອມຕໍ່ຄວາມຮັກແພງ”. ທ່ານ ເຈີນງັອກເກວ໋, ຮອງຜູ້ອຳນວຍການສູນເລືອດສາດແຫ່ງຊາດ, ຮອງຫົວໜ້າຄະນະຈັດຕັ້ງຂະບວນການບໍລິຈາກເລືອດປີ 2018, ໃຫ້ຮູ້ວ່າ:

        “ໃນຊຸມປີຜ່ານມາ, ການເຄື່ອນໄຫວຈັດຕັ້ງການບໍລິຈາກເລືອດຂອງແຂວງກວາງນິງ ໄດ້ປະຕິບັດເປັນຢ່າງດີ. ພິເສດແມ່ນປະຊາຊົນມີຄວາມຮັບຮູ້ສູງກ່ຽວກັບການບໍລິຈາກເລືອດ ແລະ ໝາກຜົນຂອງການບໍລິຈາກເລືອດແຕ່ລະປີລ້ວນແຕ່ເພີ່ມຂຶ້ນ. ປະລິມານເລືອດສະໜອງໃຫ້ໂຮງໝໍແຫ່ງຕ່າງໆໃນແຂວງກວາງນິງເວົ້າລວມ, ບາງເທື່ອຍັງສາມາດສະໜອງໃຫ້ບັນດາແຂວງໃກ້ຄຽງ ນັ້ນໄດ້ຕອບສະໜອງໄດ້ຄວາມຕ້ອງການໃນການປິ່ນປົວສຸກເສີນຄົນເຈັບໂດຍພື້ນຖານ ແລະ ຂ້າພະເຈົ້າຫວັງວ່າ ໃນປີຕໍ່ໄປ ແຂວງກວາງນິງຈະສືບຕໍ່ຈັດຕັ້ງບັນດາລາຍການບໍລິຈາກເລືອດທີ່ມີຄວາມໝາຍຄືດັ່ງກ່າວອີກ”.

        ໃນວັນບຸນບໍລິຈາກເລືອດ, ຄະນະຊີ້ນຳການບໍລິຈາກເລືອດດ້ວຍຄວາມສະໝັກໃຈ ແຂວງກວາງນິງ ໄດ້ຮັບເລືອດປະມານ 700 ຖົງ.