(vovworld) – ຕອນເຊົ້າວັນທີ 24/2, ທ່ານ ດິງເທ໋ຮິງ, ກຳມະການກົມການເມືອງດ ເລຂາສູນກາງພັກກອມມູນິດຫວຽດນາມ, ຫົວໜ້າຄະນະໂຄສະນາສືກສາສູນກາງ ໄດ້ລົງເຮັດວຽກກັບຄະນະພັກກຸ່ມບັນດາອົງການຂັ້ນສູນກາງເພື່ອກວດກາສະພາບການປະຕິບັດຄຳສັ່ງເລກທີ 03 ຂອງກົມການເມືອງ ກ່ຽວກັບການສືບຕໍ່ຍູ້ແຮງການຮ່ຳຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮຈີ່ມິນ. ພາຍຫຼັງມີຄຳສັ່ງເລກທີ 03, ບັນດາຄະນະພັກຂັ້ນເທິງລ້ວນແຕ່ສ້າງຕັ້ງໜ່ວຍຊ່ວຍວຽກຄະນະພັກ. ຫຼາຍຄະນະພັກໄດ້ມີວິທີເຮັດວຽກຢ່າງມີຫົວຄິດປະດິດສ້າງ... ກ່ຽວກັບໜ້າທີ່ຂອງຄະນະພັກກຸ່ມບັນດາອົງການຂັ້ນສູນກາງໃນໄລຍະທີ່ຈະມາເຖິງ, ສະຫາຍ ເຈີ່ນຮົ່ງຮ່າ, ຮອງເລຂາຄະນະພັກກຸ່ມບັນດາອົງການຂັ້ນສູງກາງ, ໃຫ້ຮູ້ວ່າ:
“ຄະນະພັກກຸ່ມຈະສຸມໃສ່ຊີ້ນຳ, ຈັດຕັ້ງການຮ່ຳຮຽນຕາມຫົວເລື່ອງສະເພາະປີ 2012 ໃນການດຳເນີນຊີວິດເປັນປະຈຳຂອງບັນດາອົງການຈັດຕັ້ງພັກ. ລະອຽດ, ຄະນະປະຈຳໜ່ວນພັກຕ້ອງຈັດຕັ້ງການ ຄົ້ນຄ້ວາຫົວເລື່ອງສະເພາະໃຫ້ແກ່ສະມາຊິກພັກແຕ່ລະຄົນ ໃນບັນດາການດຳເນີນຊີວິດຂອງໜ່ວຍພັກໃນເດືອນ. ສຳລັບພະນັກງານ, ລັດຖະກອນເຊິ່ງບໍ່ແມ່ນສະມາຊິກຄະນະພັກ, ສົມທົບກັບການນຳອົງການ, ຫົວໜ່ວຍເຜີຍແຜ່, ຮ່ຳຮຽນບັນດາເນື້ອໃນຫົວເລື່ອງສະເພາະ. ສືບຕໍ່ເພີ່ມເຕີມການປະຕິບັດບັນດາມາດຖານຄຸນສົມບັດໃນແບບຢ່າງຄຸນສົມບັດປະທານ ໂຮ່ຈີມິນ ໃຫ້ເໝາະສົມກັບຈຸດພິເສດໃນການດຳເນີນຊີວິດຂອງແຕ່ລະອົງຄະນະພັກ”.
ກ່າວຄຳເຫັນສະຫຼຸບການເຮັດວຽກ, ທ່ານ ດິງເທ໋ຮິງ ເນັ້ນໜັກວ່າ: ຄະນະພັກກຸ່ມບັນດາອົງການຂັ້ນສູນກາງແມ່ນບັນດາອົງການເສນາທິການໃຫ້ແກ່ຄະນະບໍລິຫານງານສູນກາງພັກ, ສະພາແຫ່ງຊາດ, ລັດຖະບານ ເພື່ອປະກາດໃຊ້ບັນດາແຜນນະໂຍບາຍ, ນະໂຍບາຍ... ດັ່ງນັ້ນ, ເລື່ອງສືບຕໍ່ຍູ້ແຮງການຮ່ຳຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈີມິນ ຕ້ອງໄດ້ປະຕິບັດພາຍໃນກຸ່ມເປັນຢ່າງດີ ເພື່ອສ້າງກຳລັງແຮງແຜ່ຂະຫຍາຍຢ່າງແຂງແຮງ ແລະ ເປັນແບບຢ່າງໃຫ້ແກ່ລະບົບການເມືອງ, ສົ່ງຜົນສະທ້ອນຢ່າງຕັ້ງໜ້າເຖິງທົ່ວສັງຄົມ.