ສືບຕໍ່ປະກອບຄຳ ເຫັນໃສ່ຮ່າງລັດຖະ ທຳມະນູນປີ 1992 ສະບັບປັບປຸງ
(ພາບປະກອບ:tuyengiao.vn)
(vovworld) - ທີ 19/2, ຢູ່ຮ່າໂນ້ຍ, ຄະນະກຳມະການສູນກາງແນວໂຮມປະເທດຊາດຫວຽດນາມ ໄດ້ຈັດກອງປະຊຸມຮັບເອົາຄຳເຫັນຈາກບັນດາສະມາຊິກຄະນະປະຈຳ, ຄະນະປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຜ່ານໄລຍະຕ່າງໆ... ປະກອບຄຳເຫັນໃສ່ຮ່າງລັດຖະທຳມະນູນປີ 1992 ສະບັບປັບປຸງ. ບັນດາຄຳເຫັນໄດ້ປະກອບເຂົ້າບັນດາບັນຫາຄື: ບົດບາດຂອງພັກກອມມູນິດຫວຽດນາມ, ທີ່ຕັ້ງ, ຄວາມຮັບຜິດຊອບ, ສິດຂອງແນວໂຮມປະເທດຊາດຫວຽດນາມ ແລະ ບັນດາສະມາຊິກ, ສິດທິມະນຸດ, ສິດ ແລະ ພັນທະພື້ນຖານຂອງພົນລະເມືອງ, ປົກປັກຮັກສາປະເທດຊາດ…. ກ່າວຄຳເຫັນອັດກອງປະຊຸມ, ທ່ານຮິງດາມ, ປະທານຄະນະກຳມະການສູນກາງແນວໂຮມປະເທດຊາດຫວຽດນາມ ເນັ້ນໜັກວ່າ: ແນວໂຮມປະເທດຊາດຫວຽດນາມ ຈະສັງລວມບັນດາຄຳເຫັນປະກອບຂອງຜູ້ແທນ ແລະ ລາຍງານຕໍ່ສະພາແຫ່ງຊາດ. ທ່ານຫວັງວ່າບັນດາຜູ້ແທນຈະສືບຕໍ່ຄົ້ນຄ້ວາ ແລະ ມີບັນດາຄຳເຫັນປະກອບຍົກສູງຄຸນນະພາບລັດຖະທຳມະນູນປີ 1992 ສະບັບປັບປຸງ.
ຮ່າງລັດຖະທຳມະນູນປີ 1992 ສະບັບປັບປຸງ ສືບຕໍ່ໄດ້ຮັບ ຄວາມສົນໃຈ ແລະ ເຂົ້າຮ່ວມປະກອບຄຳເຫັນຈາກຊາວຫວຽດນາມ ຫຼາຍຄົນທີ່ພວມຮ່ຳຮຽນ, ດຳລົງຊີວິດຢູ່ຕ່າງປະເທດ. ທ່ານດຣ ເສດຖະກິດຫງວຽນກວກຮຸ່ງ ຫົວໜ້າຫ້ອງການຮ່ວມມືສາກົນ ສັງກັດສູນທີ່ປຶກສາກົດໝາຍຫວຽດນາມ-ລັດເຊຍ ຖືວ່າ: ຮ່າງລັດຖະທຳມະນູນປີ 1992 ສະບັບປັບປຸງ ໄດ້ຢັ້ງຢືນວ່າ: ພາກສ່ວນເສດຖະກິດຕ່າງໆລ້ວນແຕ່ແມ່ນພາກສ່ວນສຳຄັນຂອງພື້ນຖານເສດຖະກິດແຫ່ງຊາດ. ທ່ານດຣ ຫງວຽນກວກຮຸ່ງ ເນັ້ນໜັກວ່າ:
“
ໂດຍແມ່ນຊາວຫວຽດນາມ ຜູ້ໜຶ່ງທີ່ພວມເຮັດວຽກຢູ່ລັດເຊຍ, ທັງແມ່ນສະມາຊິກຂອງສະມາຄົມທະນາຍຄວາມຫວຽດນາມ, ຂ້າພະເຈົ້າໄດ້ຄົ້ນຄ້ວາລັດຖະທຳມະນູນຂອງຫຼາຍປະເທດ, ສະນັ້ນ, ຂ້າພະເຈົ້າມີຂໍ້ສະເໜີດັ່ງນີ້: ຕ້ອງເພີ່ມເຂົ້າຄຳນຳຂອງລັດຖະທຳມະນູນສະບັບປັບປຸງ ຫລືນຳເຂົ້າພາກເວົ້າເຖິງສິດຂອງມະນຸດ ຄຳນິຍາມກ່ຽວກັບ “ສິດສັນຕິພາບ“ ຄືດັ່ງນີ້: ສິດສັນຕິພາບແມ່ນສິດອັນຊອບທຳ ແລະ ເທົ່າທຽມກັນ, ບໍ່ສາມາດຕັດແຍກອອກຈາກບັນດາສິດເສລີອັນເປັນພື້ນຖານ, ຄວາມຍຸດຕິທຳຂອງມະນຸດໄດ້ “