ທ່ານປະທານປະເທດ ເຈືອງເຕີນຊາງ ກ່າວຄຳເຫັນຊີ້ນຳກອງປະຊຸມ
(ພາບ: truongtansang.net)
(vovworld) - ກ່າວຄຳເຫັນທີ່ກອງປະຊຸມສະຫຼຸບວຽກງານປີ 2012 ແລະ ຜັນຂະຫຍາຍໜ້າທີ່ວຽກງານໄອຍະການ ປີ 2013 ຂອງຂະແໜງໄອຍະການປະຊາຊົນ ຖືກຈັດຂຶ້ນໃນຕອນເຊົ້າວັນທີ 15/1, ຢູ່ ຮ່າໂນ້ຍ, ທ່ານປະທານປະເທດຫວຽດນາມ ເຈືອງເຕີນຊາງ ໄດ້ຍ້ອງຍໍຊົມເຊີຍບັນດາຜົນງານທີ່ພົ້ນເດັ່ນເຊິ່ງຂະແໜງໄອຍະການປະຊາຊົນບັນລຸໄດ້ໃນປີ 2012 ຜ່ານມາ, ພິເສດໃນການປະກອບສ່ວນຄວບຄຸມການເພີ່ມຂຶ້ນຂອງອາຊະຍາກຳ, ຮັບປະກັນຄວາມຍຸຕິທຳ, ປະຊາທິປະໄຕ, ເຄັ່ງຂັດ, ຮັກສາສະຖຽນລະພາບທາງດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມ ແລະ ຊີວິດທີ່ສະຫງົບສຸກຂອງປະຊາຊົນ. ທ່ານປະທານປະເທດ ເນັ້ນໜັກວ່າ ປີ 2013, ຫວຽດນາມ ຍັງຕ້ອງປະເຊີນໜ້າກັບຄວາມຫຍຸ້ງຍາກ, ການທ້າທາຍຫຼາຍຢ່າງ, ເພື່ອປະຕິບັດບັນດາຄາດໝາຍ, ໜ້າທີ່ຂອງຂະແໜງ, ຂະແໜງໄອຍະການປະຊາຊົນຕ້ອງປະຕິບັດວຽກງານປະຕິຮູບດ້ານຕຸລາການເປັນຢ່າງດີ. ທ່ານປະທານປະເທດ ເຈືອງເຕີນຊາງ ຊີ້ແຈງວ່າ:
“ອົງການໄອຍະການຕ້ອງເດັດດຽວມີຄວາມທ່ຽງທຳເຫັນແກ່ສ່ວນລວມ ແລະ ມີຄຸນນະທາດຫຼາຍກ່ວາອີກ, ຮັບປະກັນການປະຕິບັດຕາມກົດໝາຍຢ່າງເຂັມງວດໃນທຸກໆຂັ້ນຕອນຂອງການດຳເນີນຄະດີ ແລະ ສຳຫຼັບບໍ່ວ່າຜູ້ໃດທີ່ລະເມີດກົດໝາຍ. ຢາກເຮັດໄດ້ເຊັນນັ້ນ, ເລື່ອງເຜີຍໂທດ, ແຈ້ງຂ່າວກ່ຽວກັບອາດຊະຍາກຳ ແມ່ນຮຽກຮ້ອງໃຫ້ອົງການໄອຍາການແຕ່ລະຂັ້ນຕ້ອງສົມທົບຢ່າງແໜ້ນແຟ້ນກັບອົງການສືບສວນ ມີການປ່ຽນແປງໃໝ່ ແລະ ມີລັກສະນະອາຊີບຫຼາຍກ່ວາອີກ. ການດຳເນີນຄະດີຢ່າງບໍ່ຖືກຕ້ອງຈະເຮັດໃຫ້ປະຊາຊົນຂາດຄວາມເຊື່ອໝັ້ນຕໍ່ບັນດາອົງການ ສຳນັກງານປົກປ້ອງກົດໝາຍ. ຂະແໜງໄອຍະການຕ້ອງປະຕິບັດວຽກງານກວດກາ ບັນດາການເຄື່ອນໄຫວຕຸລາການ ເພື່ອປັບປຸງ, ແກ້ໄຂການກະທຳລະເມີດຢ່າງທັນການ, ຊ່ວຍໃຫ້ບັນດາອົງການຕຸລາການມີຄວາມລະມັດລະວັງ, ພາວະວິໄສ, ປະຕິບັດຢ່າງຖືກຕ້ອງຕາມກົດໝາຍໃນວິວັດການດຳເນີນຄະດີ ເພື່ອໃຫ້ປະຊາຊົນມີຄວາມເຊື່ອໝັ້ນຕໍ່ພື້ນຖານຍຸດຕິທຳຂອງປະເທດຊາດຢ່າງໜັກແໜ້ນ”
ປະຈຸບັນ, ຫວຽດນາມ ພວມດຳເນີນການປັບປຸງ, ເພີ່ມເຕີມລັດຖະທຳມະນູນປີ 1992, ທ່ານປະທານປະເທດ ເຈືອງເຕີນຊາງ ສະເໜີໃຫ້ຂະແໜງໄອຍະການ ປຶກສາຫາລື, ມີຄຳເຫັນປະກອບສ່ວນໃສ່ຮ່າງລັດຖະທຳມະນູນສະບັບປັບປຸງ, ພ້ອມທັງສ້າງລະບົບກົດໝາຍກ່ຽວກັບຕຸລາການຢ່າງຄົບຊຸດ, ເປັນເອກະພາບກັນ, ເປີດເຜີຍ, ກະຈ່າງແຈ້ງ ແລະ ສະດວກສະບາຍ, ຮັບປະກັນການເຂົ້າຮ່ວມ ແລະ ຕິດຕາມກວດກາຂອງປະຊາຊົນທີ່ມີຕໍ່ບັນດາການເຄື່ອນໄຫວຂອງຕຸລາການ, ສ້າງພື້ນຖານດ້ານກົດໝາຍໃຫ້ສົມບູນແບບ ເພື່ອໃຫ້ອົງການໄອຍະການກາຍເປັນເຄື່ອງມືຢ່າງມີປະສິດທິຜົນ ໃນການກວດກາການປະຕິບັດສິດອຳນາດຂອງລັດຢ່າງແທ້ຈິງ.