(vovworld) - ສືບຕໍ່ປ່ຽນໃໝ່, ຍົກສູງຄຸນະພາບຜະສິດທິຜົນວຽກງານແກ້ໄຂຄຳຂໍຄວາມເປັນທຳຂອງປະຊາຊົນ, ນັ້ນແມ່ນເນື້ອໃນຕົ້ນຕໍ່ເຊິ່ງໄດ້ປຶກສາຫາລືທີ່ກອງປະຊຸມໂດຍຄະນະກຳມະການປະຊາຊົນ, ຄະນະປະຈຳສະພາແຫ່ງຊາດ ຈັດຕັ້ງ ໃນວັນທີ 20/12, ຢູ່ແຂວງເຫງະອານ, ຫວຽດນາມ. ທີ່ກອງປະຊຸມ, ບັນດາຜູ້ແທນໄດ້ແລກປ່ຽນ, ສະເໜີຮູບແບບອົງການປະຕິບັດວຽກງານແກ້ໄຂຄຳຂໍຄວາມເປັນທຳຂອງປະຊາຊົນຂອງສະພາແຫ່ງຊາດ ໃນການປ່ຽນໃໝ່ສັງລວມອົງການຈັດຕັ້ງ ແລະ ການເຄື່ອນໄຫວຂອງສະພາແຫ່ງຊາດ. ໃນນັ້ນ, ການປ່ຽນໃໝ່ວຽກງານພົບປະກັບຜູ້ມີສິດເລືອກຕັ້ງກ່ອນ ແລະ ພາຍຫຼັງດຳເນີນກອງປະຊຸມຂອງສະພາແຫ່ງຊາດ ແມ່ນບັນຫາເຊິ່ງບັນດາສະມາຊິກສະພາແຫ່ງຊາດມີຄວາມສົນໃຈ. ທ່ານ ຝ້າມດຶດເຈົາ, ຫົວໜ້າຄະນະສະມາຊິກສະພາແຫ່ງຊາດແຂວງກວາງຈິ້ ຖືວ່າ.
“ການພົບປະກັບຜູ້ມີສິດເລືອກຕັ້ງຮຽກຮ້ອງຕ້ອງມີວິທີ, ສະນັ້ນ, ສະມາຊິກສະພາແຫ່ງຊາດເອງຕ້ອງມີຄວາມຮູ້ທີ່ອຸດົມສົມບຸນ ນອກຈາກເນື້ອໃນຮ່າງບົດລາຍງານເພື່ອເພີ່ມລັກສະນະດຶງດູດ. ໃນຄະນະສະມາຊິກສະພາແຫ່ງຊາດທີ່ພົບປະກັບຜູ້ມີສິດເລືອກຕັ້ງ ຕ້ອງມີສະມາຊິກທ່ານໜຶ່ງເຂົ້າໃຈສະພາບຕົວຈິງ, ນະໂຍບາຍກົດໝາຍ ເພື່ອອະພິບາຍຢ່າງສົມເຫດສົມຜົນບັນດາເນື້ອໃນເຊິ່ງຜູ້ມີສິດເລືອກຕັ້ງສະເໜີ, ບໍ່ຮັບຮູ້ຢ່າງກະແຈກກະຈາຍ ແລ້ວແກ້ໄຂບໍ່ໄດ້, ພາໄປເຖິງເລື່ອງຜູ້ມີສິດເລືອກຕັ້ງເສຍຫວັງ ແລະ ເບື່ອໜ່າຍ”.