(ພາບປະກອບ)
(vovworld) - ຕອນເຊົ້າວັນທີ 08/05, ຢູ່ຮ່າໂນ້ຍ, ສະຫະພັນໃຫຍ່ແຮງງານຫວຽດນາມ ໄດ້ສະຫລຸບ 5 ປີແຫ່ງໂຄງການເຄື່ອນໄຫວຂອງສະຫະພັນໃຫຍ່ແຮງງານ ໃນການປະຕິບັດມະຕິກອງປະຊຸມສູນກາງຄັ້ງທີ 6 ພັກກອມມິດຫວຽດນາມຊຸດທີ 10 ກ່ຽວກັບການ “ສືບຕໍ່ກໍ່ສ້າງຊົນຊັ້ນກຳມະກອນຫວຽດນາມ ໄລຍະຍູ້ແຮງການຫັນປະເທດຊາດເປັນປະເທດອຸດສາຫະກຳ ແລະ ທັນສະໄໝ” ຕິດພັນກັບໜ້າທີ່ກໍ່ສ້າງຊົນຊັ້ນກຳມະກອນ ແລະ ພາລະບົດບາດເບິ່ງແຍງ, ປົກປ້ອງສິດ, ຜົນປະໂຫຍດອັນຊອບທຳຖືກຕາມກົດໝາຍໃຫ້ແກ່ກຳມະກອນ, ພາລະກອນ, ຄົນງານ. ກຳມະບານທຸກຂັ້ນໄດ້ປ່ຽນໃໝ່ວຽກງານໂຄສະນາ, ສຶກສາຢ່າງບໍ່ຢຸດຢັ້ງ, ປະກອບສ່ວນຍົກສູງລະດັບຄວາມຮູ້ໃຫ້ແກ່ກຳມະກອນ, ພາລະກອນ, ຄົນງານ. ໃນໄລຍະຈະມາເຖິງ, ສະຫະພັນໃຫຍ່ແຮງງານຫວຽດນາມ ສືບຕໍ່ຫັນທັດສະນະ, ແຜນນະໂຍບາຍໃຫຍ່ຂອງພັກກ່ຽວກັບຊົນຊັ້ນກຳມະກອນເປັນລະບຽບກົດໝາຍ, ພິເສດແມ່ນບັນດາທັດສະນະຂອງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 11 ຂອງພັກ ກ່ຽວກັບການສຶກສາ, ບຳລຸງສ້າງ, ພັດທະນາຊົນຊັ້ນກຳມະກອນ. ສືບຕໍ່ປະຕິບັດມະຕິກອງປະຊຸມສູນກາງຄັ້ງທີ 6 ຊຸດທີ 10, ສະຫະພັນໃຫຍ່ແຮງງານຫວຽດນາມ ສູ້ຊົນຮອດປີ 2018 ມີ 60% ຈຳນວນສະມາຊິກກຳມະບານ ແລະ ຄົນງານໄດ້ຮັບການຮໍ່າຮຽນ, ຍົກສູງລະດັບວິຊາຊີບ; ສະເລ່ຍແຕ່ລະປີມີກວ່າ 70% ຈຳນວນສະມາຊິກກຳມະບານ ແລະ ຄົນງານໄດ້ຮັບການໂຄສະນາ, ເຜີຍແຜ່, ສຶກສາດ້ານກົດໝາຍ.