ຝົນຕົກ, ນ້ຳຖ້ວມໄດ້ກໍ່ຄວາມເສຍຫາຍຢ່າງໜັກໜ່ວງເຖິງຊີວິດຂອງປະຊາຊົນເຂດພາກກາງ, ໄຕງວຽນ
(ພາບ: VGP/Hương Thơm)
(vovworld) – ໃນຊຸມມື້ຜ່ານມາ, ພາຍຸນ້ຳຖ້ວມຢູ່ບັນດາແຂວງພາກກາງ ແລະ ເຂດໄຕງວຽນ ໄດ້ກໍ່ຄວາມເສຍຫາຍຢ່າງໜັກໜ່ວງທາງດ້ານຊີວິດ ແລະ ຊັບສົມບັດ. ເຮັດໃຫ້ 33 ຄົນເສຍຊີວິດ ແລະ ນັບຮ້ອຍຄົນຖືກບາດເຈບ, ເຮືອນຊານນັບໝື່ນຫຼັງຖືກນຳ້ຖ້ວມ...
ປະຈຸບັນ, ຢູ່ພາກກາງ, ລະດັບນຳ້ໃນແມ່ນ້ຳ,ຫ້ວຍໄດ້ຄ່ອຍໆຫຼຸດລົງ ແລະ ອຳນາດການປົກຄອງທ້ອງຖີ່ນພວມຊ່ວຍເຫຼືອປະຊາຊົນແກ້ໄຂຜົນຮ້າຍຢ້ອນຫຼັງ, ເຮັດໃຫ້ຊີວິດຂອງປະຊາຊົນກັບຄືນສູ່ສະພາບເປັນປົກກະຕິ. ທ່ານ ເລຫື້ວໂລກ, ປະທານຄະນະກຳມະການປະຊາຊົນແຂວງ ບິ່ນດິ້ງ, ໃຫ້ຮູ້ວ່າ:
“ໃນຕໍ່ໜ້າແມ່ນສຸມໃສ່ກູ້ຊ່ວຍປະຊາຊົນ, ບໍ່ປະໃຫ້ປະຊາຊົນຜູ້ໃດຖືກອຶດ ຫີວ, ຫຼືອເປັນພະຍາດຍ້ອນນຳ້ເປື້ອນ, ເມື່ອນຳ້ຖອຍໝົດແລ້ວຈະກະກຽມໃຫ້ແກ່ການຜະລິດລະດູໜາວຕໍ່ລະດູບານໃໝ່“.
ຢູ່ແຂວງກວາງຫງາຍ, ທຸກກຳລັງພວມຮີບເຮັ່ງຊ່ວຍເຫຼືອປະຊາຊົນແກ້ໄຂຜົນຮ້າຍຢ້ອນຫຼັງ. ທາງແຂວງໄດ້ສົ່ງມີ່ສຳເລັດຮູບ, ນຳ້ດື່ມ ແລະ ເຂົ້າສານເຖິງທ້ອງຖີ່ນປະສົບເຄາະຮ້າຍ ແລະ ສືບຕໍ່ຮຽກຮ້ອງປະຊາຄົມຮ່ວມແຮງຮ່ວມໃຈ ຊ່ວຍເຫຼືອປະຊາຊົນຜ່ານຜ່າຄວາມຫຍຸ້ງຍາກ. ທ່ານນາງ ຮ່າທິແອງທື, ເລຂາຊາວໜຸ່ມແຂວງກວາງຫງາຍ, ໃຫ້ຮູ້ວ່າ:
“ໃນຊຸມມື້ຕໍ່ໜ້າ, ຄະນະຊາວໜຸ່ມແຂວງສືບຕໍ່ລົງໄປ 5 ເມືອງທີ່ປະສົບພາຍຸນຳ້ຖ້ວມເພື່ອກູ້ຊ່ວຍ, ເຮັດອະນາໄມບັນດາໂຮງຮຽນກໍ່ຄືທຳຄວາມສະອາດສິ່ງແວດລ້ອມ ເພື່ອໃຫ້ພວກນ້ອງສາມາດໄປໂຮງຮຽນໄດ້“.
ສ່ວນຢູ່ແຂວງກວາງນາມ, ປະຊາຊົນແຄມແມ່ນ້ຳ ທູໂບ່ນ ສຸມໃສ່ເຮັດອະນາໄມເຮືອນຊານ. ຢູ່ນະຄອນໂຫ້ຍອານ ກໍ່ລະດົມທຸກກຳລັງທຳຄວາມສະອາດສິ່ງແວດລ້ອມເຊັ່ນກັນ.