ສືບຕໍ່ສ້າງລະບອບເສດຖະກິດການຕະຫຼາດຕາມກຳນົດທິດສັງຄົມນິຍົມໃຫ້ສົມບຸນແບບ
ທ່ານ ເວືອງດິ່ງເຫ້ວ ຫົວໜ້າຄະນະເສດຖະກິດສູນກາງ
ພາບ:internet
|
(vovworld) - ເພື່ອແນໃສ່ຕີລາຄາສະພາບການປະຕິບັດມະຕິສູນກາງຄັ້ງທີ 6 ຊຸດທີ 10 ກ່ຽວກັບເລື່ອງສືບຕໍ່ສ້າງລະບອບເສດຖະກິດການຕະຫຼາດຕາມກຳນົດທິດສັງຄົມນິຍົມໃຫ້ສົມບຸນແບບ, ຕອນເຊົ້າວັນທີ 10/4, ທ່ານ ເວືອງດິ່ງເຫ້ວ ຫົວໜ້າຄະນະເສດຖະກິດສູນກາງ ແລະ ຄະນະປະຕິບັດງານຂອງຄະນະຊີ້ນຳສູນກາງພ້ອມກັບຄະນະພັກແຂວງ ເຫົ້າຢາງ ຈັດຕັ້ງກອງປະຊຸມສະຫຼຸບ 5 ປີແຫ່ງການປະຕິບັດມະຕິດັ່ງກ່າວຢູ່ໃນແຂວງ. ກ່າວຄຳເຫັນທີ່ກອງປະຊຸມ, ທ່ານ ເວືອງດິ່ງເຫ້ວ ຫົວໜ້າຄະນະເສດຖະກິດສູນກາງເນັ້ນໜັກວ່າເສດຖະກິດການຕະຫຼາດຕາມກຳນົດທິດສັງຄົມນິຍົມ ແມ່ນເຄົາລົບຕາມບັນດາກົດເກນຂອງເສດຖະກິດຕະຫຼາດພ້ອມທັງຮັບປະກັນການນຳພາຂອງພັກ ແລະ ລັດໃນການພັດທະນາເສດຖະກິດ - ສັງຄົມ, ໃນນັ້ນພິເສດແມ່ນນະໂຍບາຍຮັບປະກັນຊີວິດສັງຄົມ, ລົບລ້າງຄວາມອຶດຫີວ - ຫຼຸດຜ່ອນຄວາມທຸກຍາກ. ໃນໄລຍະຈະມາເຖິງ, ລະບອບນະໂຍບາຍນີ້ຕ້ອງເລີ່ມຈາກພຶດຕິກຳຕົວຈິງຢູ່ບັນດາທ້ອງຖິ່ນເພື່ອສະຫຼຸບເປັນທິດສະດີ; ບົນພື້ນຖານນັ້ນສືບຕໍ່ປັບປຸງໃຫ້ສົມບຸນແບບເພື່ອສ້າງສະພາບແວດລ້ອມດ້ວຍບັນດານະໂຍບາຍທີ່ໂປ່ງໃສ, ເປີດເຜີຍເພື່ອໃຫ້ທຸກພາກສ່ວນເສດຖະກິດມີໂອກາດດຳເນີນທຸລະກິດ, ພັດທະນາການຜະລິດເປັນປົກກະຕິ; ໃນນັ້ນສຳລັບເຂດທົ່ງພຽງແມ່ນ້ຳຂອງແມ່ນນະໂຍບາຍຮ່ວມສຳພັນລະຫວ່າງເຂດ, ດຶງດູດການລົງທຶນຈາກຕ່າງປະເທດ; ປັບປຸງພື້ນຖານໂຄງລ່າງ.