(vovworld) - ກ່າວຄຳເຫັນທີ່ກອງປະຊຸມລັດຖະມົນຕີກະຊວງປ້ອງກັນປະເທດອາຊຽນເປີດກວ້າງ (ADMM+) ຄັ້ງທີ 2 ເຊິ່ງໄຂຂຶ້ນໃນວັນທີ 29 ສິງຫາ ຢູ່ປະເທດບຣຸໄນ, ທ່ານລັດຖະມົນຕີກະຊວງປ້ອງກັນປະເທດຫວຽດນາມ ຟຸ່ງກວາງແທງ ຖືວ່າ ບັນດາປະເທດ, ພິເສດແມ່ນຈີນ ແລະ ອາເມລິຫາ ຄວນສ້າງຄວາມໄວ້ເນື້ອເຊື່ອໃຈຍຸດທະສາດ, ເພີ່ມທະວີບັນດາການເຄື່ອນໄຫວ ເພື່ອຮັກສາສັນຕິພາບ: ສະຖຽນລະພາບໃນພາກພື້ນອາຊີ - ປາຊີຝີກ. ກ່ຽວກັບບັນຫາພິພາດຢູ່ທະເລຕາເວັນອອກ, ທ່ານລັດຖະມົນຕີກະຊວງປ້ອງກັນປະເທດຟຸ່ງກວາງແທງ ສະແດງທັດສະນະວ່າ ບັນດາປະເທດຕ້ອງແກ້ໄຂດ້ວຍສັນຕິວິທີ, ຜ່ານການເຈລະຈາບົນພື້ນຖານກົດໝາຍສາກົນ, ພິເສດແມ່ນສົນທິສັນຍາສະຫະປະຊາຊາດກ່ຽວກັບທະເລປີ 1982 ແລະ ຖະແຫຼງການຂັ້ນສູງເນື່ອງໃນໂອກາດສະເຫຼີມສະຫຼອງ 10 ປີແຫ່ງການສ້າງຕັ້ງການພົວພັນຄູ່ຮ່ວມມືລະຫວ່າງອາຊຽນ ແລະ ຈີນ, ກ້າວໄປເຖິງເລື່ອງລົງນາມໃນປະມວນຂໍ້ກຳນົດການປະພຶດຂອງຝ່າຍຕ່າງໆຢູ່ທະເລຕາເວັນອອກ (COC) ໂດຍໄວ, ຮັບປະກັນຄວາມສະຫງົບປອດໄພໃນການເດີນທະເລ. ຫວຽດນາມ ສະເໜີເພີ່ມທະວີການຮ່ວມມືດ້ານກອງທັບເຮືອໃນພາກພື້ນ ຜ່ານບັນດາການເຄື່ອນໄຫວລາດຕາເວັນຮ່ວມ, ການພົບປະແລກປ່ຽນ, ສ້າງສາຍໂທລະສັບດ່ວນລະຫວ່າງກອງທັບເຮືອ ກໍ່ຄືການນຳປ້ອງກັນປະເທດ ປະເທດຕ່າງໆ. ທ່ານລັດຖະມົນຕີ ຟຸ່ງກວາງແທງ ຢືນຢັນວ່າ ຫວຽດນາມ ພ້ອມແລ້ວທີ່ຈະລົງນາມຄຳໝັ້ນສັນຍາກ່ຽວກັບການບໍ່ນຳໃຊ້ກຳລັງອາວຸດແລະນາບຂູ່ນຳໃຊ້ກຳລັງອາວຸດກ່ອນ. ຫວຽດນາມ ສະເໜີໃຫ້ບັນດາປະເທດ, ພິເສດແມ່ນອາເມລິກາເຂົ້າຮ່ວມການໜູນຊ່ວຍບັນຫາແກ້ໄຂລະເບີດທີ່ຍັງຕົກຂ້າງຢູ່ຫວຽດນາມ ພາຍຫຼັງສົງຄາມ.
ແລະກໍ່ໃນວັນດ່ຽວກັນ, ທ່ານລັດຖະມົນຕີກະຊວງປ້ອງກັນປະເທດ ຟຸ່ງກວາງແທງ ມີການພົບປະ 2 ຝ່າຍກັບທ່ານລັດຖະມົນຕີກະຊວງປ້ອງກັນປະເທດອົດສຕາລີ.