( ງານວາງສະແດງຮູບພາບກ່ຽວກັບຫວຽດນາມ )
(vovworld) – ຕອນຄ່ຳວັນທີ 27 ມີນາ, ສະຖານທູດຫວຽດນາມ ສົມທັບກັບກະຊວງວັດທະນະທຳເອຢິບ ຈັດຕັ້ງ “ສັບປະດາ ວາງສະແດງຮູບພາບ ກ່ຽວກັບຫວຽດນາມ” ຢູ່ນະຄອນຫຼວງ Cairo ປະເທດ ເອຢິບ. ເຂົ້າຮ່ວມງານວາງສະແດງມີ ທ່ານ Camelia Sobhi, ລັດຖະມົນຕີຊ່ວຍວ່າການກະຊວງວັດທະນະທຳເອຢິບ, ພ້ອມດ້ວຍແຂກຖືກເຊີນ ເຊິ່ງເປັນເປັນຜູ້ຕາງໜ້າຄະນະທຸຕານຸທູດບັນດາປະເທດຕ່າງໆ, ວົງການນັກສິລະປິນ, ນັກຂ່າວ, ເພື່ອນມິດສາກົນ ປະຈຳຢູ່ Cairo.
ທີ່ງານວາງສະແດງ, ບັນດາຜູ້ແທນ, ແຂກຖືກເຊີນ ໄດ້ຮັບຊົມຮູບພາບ ກ່ຽວກັບວັດທະນະທຳ ຢູ່ບັນດາເຂດ, ພາກ ຂອງຫວຽດນາມ ນັບເປັນຮ້ອຍໆແຜ່ນ, ທັງໄດ້ດື່ມ ຊາ, ກາແຟ ຂອງຫວຽດນາມອີກ. ທ່ານ ໂດ໋ຮ່ວາງລອງ, ເອກອັກຄະລັດຖະທູດຫວຽດນາມ ປະຈຳ ເອຢິບ ໃຫ້ຮູ້ວ່າ:
“ການເຄື່ອນໄຫວດ້ານການທູດວັດທະນະທຳ ໄດ້ຮັບການຈັດຕັ້ງແຕ່ຕົ້ນປີຮອດປັດຈຸບັນ, ໃນນັ້ນມີເຂດອ່ານປື້ມ ດ້ວຍຊື່ວ່າ: “ປ່ອງຢ້ຽມເພື່ອສັງເກດຫວຽດນາມ” ເຊິ່ງຈັດຕັ້ງ ຢູ່ຫໍສະໝຸດສາທາລະນະເອຢິບ ນະຄອນຫຼວງ Cairo ແລະ ສາຂາຂອງຫໍສະໝຸດນີ້ ຢູ່ນະຄອນ Port Said. ສອງເຫດການນີ້ ແນະນຳເຖິງ ມາຫາຊົນເອຢິບ ບັນດາຮູບພາບກ່ຽວກັບປະເທດຊາດ, ປະຊາຊົນ, ບັນດາວັດທະນະທຳ ທີ່ເປັນມູນເຊື້ອ ຂອງຫວຽດນາມ. ພວກຂ້າພະເຈົ້າເຊື່ອໝັ້ນວ່າ: ຜ່ານບັນດາການເຄື່ອນໄຫວທາງດ້ານການທູດວັດທະນະທຳນີ້, ຄວາມເຂົ້າອົກເຂົ້ົ້າໃຈກັນ ລະຫວ່າງ ປະຊາຊົນສອງປະເທດ ຈະໄດ້ຮັບການເພີ່ມທະວີ ແລະ ຜ່ານນັ້ນ ຈະເປັນພື້ນຖານເພື່ອຍູ້ແຮງ ການຮ່ວມມື ລະຫວ່າງ ສອງປເທດ ໃນຂົງເຂດອື່ນ, ລວມທັງການທູດດ້ານການເມືອງ ແລະ ການທູດດ້ານເສດຖະກິດກ່ວາອີກ”.
ຄາດຄະເນວ່າ ໃນເດືອນ 5 ຈະມາເຖິງ, ທ່ານ ເອກອັກຄະລັດຖະທູດຫວຽດນາມ ປະຈຳ ເອຢິບ ຈະສືບຕໍ່ສົມທົບກັບ ກະຊວງວັດທະນະທຳເອຢິບ ແລະ ອຳນາດການປົກຄອງນະຄອນ El Gouna ຢູ່ພາກໃຕ້ເອຢິບ ຈັດຕັ້ງບັນດາເຫດການວັດທະນະທຳ ຫວຽດນາມ, ໃນນັ້ນມີການສະແດງລະຄອນຕຸກກະຕານ້ຳ ທີ່ເປັນມູນເຊື້ອຂອງຫວຽດນາມ.