(vovworld) - ສູນກາງຄະນະຊາວໜຸ່ມຫາກໍ່ມີແຜນການສັບປະດາປຸກລະ ດົມຂະບວນການຕອບບຸນແທນຄຸນ, ເນື່ອງໃນໂອກາດສະເຫຼີມສະຫຼອງ 65 ປີ ແຫ່ງວັນທະຫານເສຍອົງຄະ ແລະ ນັກຮົບທີ່ເສຍສະຫຼະຊີວິດເພື່ອຊາດ (27/7). ສັບປະດາຈະເລີ່ມດຳເນີນແຕ່ວັນທີ 20-27/7, ເປີດສາກການເຄື່ອນໄຫວດ້ວຍພິທີຈູດທູບທຽນສະແດງຄວາມຮູ້ບຸນຄຸນຢູ່ເຂດສຸສານນັກຮົບທີ່ເສຍສະຫຼະຊີວິເພື່ອຊາດ Truong Son ແຂວງ ກວາງຈີ້ ໃນຕອນຄຳ່ວັນທີ 19/7. ໃນສັບປະດານີ້, ໄວໜຸ່ມທົ່ວປະເທດຈະເລັ່ງໃສ່ການເຄື່ອນໄຫວຕົ້ນຕໍ່ຈຳນວນໜຶ່ງຄື: ຢື້ຢາມຖາມຂ່າວ, ມອບຂອງຂວັນໃຫ້ບັນດາຄອບຄົວທະຫານເສຍອົງຄະ ແລະ ນັກຮົບທີ່ເສຍສະຫຼະຊີວິດເພື່ອຊາດ, ບັນດາຄອບຄົວເປົ້າໝານນະໂຍບາຍ, ບັນດາແມ່ຫວຽດນາມວິລະຊົນ, ຈັດຕັ້ງການບຸລະນະສ້ອມແປງເຂດສຸສານ, ມອບເຮືອນແຫ່ງສາຍຈິດມິດໃຈ.