(vovworld) - ວັນທີ 15/12, ທ່ານເລຂາທິການໃຫຍ່ສະຫະປະຊາຊາດ Ban Ki Moon ແລະ ສະພາຄວາມໝັ້ນຄົງສະຫະປະຊາຊາດ ໄດ້ກາວປະນາມການບຸກໂຈມຕີດ້ວຍລົດໂອໂຕຢູ່ເທດສະບານເມືອງ Kidal, ທິດຕາເວັນອອກສຽງເໜືອມາລີ ຢ່າງແຮງ, ເຊິ່ງເຮັດໃຫ້ນັກຮົບ 2 ຄົນເສຍຊີວິດ ແລະ ນັກຮົບບາງຄົນຂອງກຳລັງປະກອບອາວຸດມາລີ ຖືກບາດເຈັບ. ຄະນະຜູ້ຕາງໜ້າປະສົມສະຫະປະຊາຊາດກ່ຽວກັບຄວາມໝັ້ນຄົງຢູ່ມາລີ ໃຫ້ຮູ້ວ່າ ການບຸກໂຈມຕີເກີດຂຶ້ນໃນຕອນເຊົ້າວັນທີ 15/12 ເມື່ອບັນດາກຳລັງສະຫະປະຊາຊາດ ແລະ ມາລີ ພວມປະຕິບັດໜ້າທີ່ປົກປັກຮັກສາທະນາຄານແຫ່ງໜຶ່ງຢູ່ເທດສະບານເມືອງ Kidal. ໃນຄຳຖະແຫຼງຂອງຕົນ, ທ່ານເລຂາທິການໃຫຍ່ສະຫະປະຊາຊາດ Ban Ki Moon ໄດ້ກາວປະນາມບັນດາການບຸກໂຕມຕີຢ່າງຮຸນແຮງ ແລະ ຢືນຢັນວ່າ ບັນດາຜູ້ກໍ່ໃຫ້ເກີດການບຸກໂຈມຕີດັ່ງກ່າວຕ້ອງໄດ້ຮັບການພິພາກສາ. ທ່ານ Ban Ki Moon ຢືນຢັນຄືນໃໝ່ຄຳໝັ້ນສັນຍາຂອງສະຫະປະຊາຊາດ ໃນການຮັກສາໜ້າທີ່ໜູນຊ່ວຍປະຊາຊົນ ແລະ ລັດຖະບານມາລີ ເພື່ອສ້າງພື້ນຖານສັນຕິພາບຢ່າງໝັ້ນຄົງ.