ທ່ານ Hoesung Lee ປະທານຄະນະກຳມະການລະຫວ່າງລັດຖະບານ ກ່ຽວກັບການປ່ຽນແປງຂອງດິນຟ້າອາກາດ ຂອງ ສປຊ (ພາບ: Yahoo)

 ວັນທີ 14 ກຸມພາ, ທ່ານ Hoesung Lee ປະທານຄະນະກຳມະການລະຫວ່າງລັດຖະບານ ກ່ຽວກັບການປ່ຽນແປງຂອງດິນຟ້າອາກາດ ຂອງ ສປຊ (IPCC) ໄດ້ຢັ້ງຢືນຄວາມມານະພະຍາຍາມຂອງບັນດາປະເທດໃນໂລກ ແນໃສ່ສະກັດກັ້ນລະດັບຄວາມອຸ່ນຂຶ້ນຂອງໜ່ວຍໂລກໃຫ້ຊ້າລົງ ກໍຄືການຮັບມືກັບສະພາບການປ່ຽນແປງຂອງດິນຟ້າອາກາດ ເຊິ່ງບໍ່ມີເວລາໃດທີ່ຮ້າຍແຮງຄືໃນປັດຈຸບັນ.

     ກ່າວຄຳເຫັນໃນຄຼິບວີດີໂອ ທີ່ສົ່ງໄປຍັງກອງປະຊຸມທາງໄກ ໂດຍມີການເຂົ້າຮ່ວມຂອງຜູ້ຕາງໜ້າມາຈາກ 200 ກວ່າປະເທດ ແລະ ເຂດແຄວ້ນໃນໂລກ, ທ່ານ Hoesung Lee ຖືວ່າ ຍິ່ງກວ່າເວລາໃດໝົດ ບັນດາປະເທດຕ້ອງເອົາໃຈໃສ່ເຖິງເນື້ອໃນທີ່ລະບຸໃນບົດປະເມີນຜົນສະບັບທີ 2 ເຊິ່ງ IPCC ຈະປະກາດໃນວັນທີ 28 ກຸມພາ ຈະມາເຖິງ. ນີ້ແມ່ນພາກທີ 2 ຂອງ ບົດລາຍການ IPCC ກ່ຽວກັບຜົນກະທົບຂອງສະພາບການປ່ຽນແປງຂອງດິນຟ້າອາກາດໃນອະດີດ, ປັດຈຸບັນ ແລະ ການຄາດຄະເນກ່ຽວກັບອະນາຄົດ.