ສປຊ ຮັບຮອງເອົາມະຕິວ່າດ້ວຍດິນຟ້າອາກາດ
(VOVWORLD) -ມະຕິ ໄດ້ຮັບການຮັບຮອງເອົາຈາກ 132 ໃນຈຳນວນ 193 ປະເທດສະມາຊິກ ສປຊ, ເຊິ່ງສະແດງໃຫ້ເຫັນການສະໜັບສະໜູນຢ່າງແຮງຂອງປະຊາຄົມສາກົນຕໍ່ບັນຫາດິນຟ້າອາກາດ
ວັນທີ 29 ມີນາ, ຢູ່ນະຄອນ ນິວຢອກ ປະເທດ ອາເມລິກາ, ສະມັດຊາໃຫຍ່ ສປຊ ຮັບຮອງເອົາມະຕິແຫ່ງປະຫວັດສາດວ່າດ້ວຍດິນຟ້າອາກາດ. ມະຕິໄດ້ສະເໜີສານຍຸຕິທຳສາກົນ ເຮັດແຈ້ງຄວາມຮັບຜິດຊອບຂອງບັນດາປະເທດສະມາຊິກ ໃນການປົກປັກຮັກສາດິນຟ້າອາກາດ ໜ່ວຍໂລກ. ມະຕິໄດ້ຍ້ອງຍໍສັນລະເສີນແມ່ນ ໄຊຊະນະປະຫວັດສາດໃຫ້ແກ່ຄວາມຍຸຕິທຳດ້ານດິນຟ້າອາກາດ.
ມະຕິ ໄດ້ຮັບການຮັບຮອງເອົາຈາກ 132 ໃນຈຳນວນ 193 ປະເທດສະມາຊິກ ສປຊ, ເຊິ່ງສະແດງໃຫ້ເຫັນການສະໜັບສະໜູນຢ່າງແຮງຂອງປະຊາຄົມສາກົນຕໍ່ບັນຫາດິນຟ້າອາກາດ. ດ້ວຍມະຕິສະບັບນີ້ ນີ້ກໍ່ເປັນຄັ້ງທຳອິດສານຍຸຕິທຳສາກົນ ຈະຍົກອອກຄຳເຫັນດ້ານນິຕິກຳກ່ຽວກັບການປ່ຽນແປງຂອງດິນຟ້າອາກາດ. ທ່ານເລຂາທິການໃຫຍ່ ສປຊ Antonio Guterres ຖະແຫຼງວ່າ ບັນດາປະເທດພວມພ້ອມກັນສ້າງປະຫວັດສາດ, ພ້ອມທັງເນັ້ນໜັກວ່າ ເຖິງວ່າຄຳເຫັນປຶກສາຂອງສານຍຸຕິທຳສາກົນ ບໍ່ມີລັກສະນະປູກມັດດ້ານນິຕິກຳກໍ່ຕາມ ແຕ່ອົງການນີ້ຍັງຈະໜູນຊ່ວຍສະມັດຊາໃຫຍ່ ກໍ່ຄືບັນດາປະເທດສະມາຊິກເພື່ອຍົກອອກບັນດາການກະທຳຢ່າງແຮງ ແລະ ຂ້ຽວຂາດກ່ວາອີກ ເພື່ອຕອບສະໜອງຄວາມຕ້ອງການໃນການຮັບມືກັບການປ່ຽນແປງຂອງດິນຟ້າອາກາດ.