ໂລກຕ້ອງພ້ອມກັນແກ້ໄຂວິກິດການຄວບຄູ່ ກ່ຽວກັບການປ່ຽນແປງດິນຟ້າອາກາດ ແລະ ການສູນເສຍຊີວະນາໆພັນ. ຄຳຮຽກຮ້ອງດັ່ງກ່າວ ໂດຍ 2 ກຸ່ມນັກຊ່ຽວຊານ ຂອງ ສປຊ ໄດ້ຍົກອອກມາໃນວັນທີ 10 ມິຖຸນາ ໃນບົດລາຍງານຮ່ວມ, ໃນນັ້ນໄດ້ ກ່າວເຕືອນ ບັນດາມາດຕະການເພື່ອແນໃສ່ສະກັດກັ້ນສະພາບການໂລກຮ້ອນຂຶ້ນ ທີ່ອາດຈະກໍ່ຜົນຮ້າຍຕໍ່ທຳມະຊາດ.

        ນີ້ແມ່ນບົດລາຍງານຮ່ວມສະບັບທຳອິດ ໂດຍຄະນະກຳມະການສູນເສຍຊີວະນາໆພັນ ຂອງ ສປຊ (IPBES) ສົມທົບກັບ ຄະນະກຳມະການລະຫວ່າງລັດຖະບານ ກ່ຽວກັບການປ່ຽນແປງຂອງດິນຟ້າອາກາດ (IPCC) ປະຕິບັດ. ໂດຍອີງໃສ່ບັນດາການປຶກສາຫາລືທາງອອນລາຍລະຫວ່າງ ບັນດານັກຊ່ຽວຊານ ຂອງ IPBES ແລະ IPCC ຊຶ່ງໄດ້ລາຍງານການກ່າວເຕືອນບາງມາດຕະການແຊກແຊງ ທີ່ໄດ້ຂຶ້ນແຜນເພື່ອແນໃສ່ ຕ້ານຄືນສະພາບການ ໂລກຮ້ອນຂຶ້ນ ທີ່ຈະກໍ່ຜົນກະທົບຢ່າງຫຍໍ້ທໍ້ຕໍ່ທຳມະຊາດ. ບັນດາມາດຕະການນີ້ ລວມມີການ ປູກຕົ້ນໄມ້ຊະນິດຕ່າງໆ ເພື່ອເອົາພະລັງຊີວະສາດ ໃນເນື້ອທີ່ດິນກ້ວາງ ຊຶ່ງຈະກໍ່ຜົນຮ້າຍຕໍ່ລະບົບຊີວະຊາດ.