ສປຊ ຮຽກຮ້ອງໃຫ້ ເອີຣົບ ຕ້ອງມີການກະທຳຫຼາຍກວ່າ ເພື່ອຕ້ານການປ່ຽນແປງຂອງດິນຟ້າອາກາດ
(VOVWORLD) -ວັນທີ 5 ຕຸລາ, ສປຊ ໄດ້ປະກາດບົດລາຍງານຮຽກຮ້ອງໃຫ້ບັນດາປະເທດເອີຣົບ ຕ້ອງພະຍາຍາມມີການກະທຳຫຼາຍກວ່າຕໍ່ການປ່ຽນແປງຂອງດິນຟ້າອາກາດ ຍ້ອນວ່າ ປະລິມານອາຍພິດເຮືອນແກ້ວຂອງ ເອີຣົບ ສືບຕໍ່ເພີ່ມຂຶ້ນ, ບັນດາປະເທດຕ້ອງຊຸກຍູ້ການຜະລິດຄືນໃໝ່, ຕ້ອງມີຂໍ້ກຳນົດຕ່າງໆຢ່າງເຄັ່ງຄັດກ່ຽວກັບຄຸນນະພາບຂອງອາກາດ ແລະ ເພີ່ມຄາດໝາຍແກ່ການປົກປັກຮັກສາສິ່ງແວດລ້ອມ.
 ໂຮງງານໄຟຟ້າແຫ່ງໜຶ່ງຢູ່ ເຢຍລະມັນ (ພາບ: Reuters) |
ບົດລາຍງານດັ່ງກ່າວໄດ້ປະກາດໃນກອງປະຊຸມລັດຖະມົນຕີກະຊວງສິ່ງແວດລ້ອມ ເອີຣົບ ເຊິ່ງຈັດຂຶ້ນຢູ່ Cyprus ໄດ້ສະເໜີແນະນຳລັດຖະບານປະເທດຕ່າງໆຍົກອອກຂໍ້ລິເລີ່ມດ້ານການເງິນ ເພື່ອຊຸກຍູ້ການຜະລິດຄືນໃໝ່. ປັດຈຸບັນ, ອັດຕາຜະລິດຕະພັນຜະລິດຄືນໃໝ່ຢູ່ບັນດາປະເທດແມ່ນຜິດດ່ຽງກັນຫຼາຍພໍສົມຄວນ ແລະ ພິເສດຢູ່ບັນດາປະເທດ ເອີຣົບຕາເວັນອອກ ແລະ ອາຊີກາງ ແມ່ນຢູ່ໃນລະດັບຕ່ຳ. ບົດລາຍງານດັ່ງກ່າວກໍຮຽກຮ້ອງໃຫ້ບັນດາປະເທດ ເອີຣົບ ເພີ່ມທະວີຄວາມມານະພະຍາຍາມເພື່ອແກ້ໄຂສະພາບມົນລະພິດທາງອາກາດ, ອັດຕາການເສຍຊີວິດຂອງເດັກນ້ອຍຍ້ອນຝຸ່ນລະອອງຢູ່ 41 ປະເທດໄດ້ຫຼຸດລົງສະເລ່ຍແມ່ນປະມານ 13% ແຕ່ລະດັບຄວາມເຂັ້ມຂອງຝຸ່ນລະອອງໃນອາກາດຍັງລື່ນກາຍລະດັບຄວາມປອດໄພ ເຊິ່ງອົງການອະນາໄມໂລກແນະນຳໃຫ້.