ອິດສະຣາແອນບຸກໂຈມຕີຊີຣີ
(ພາບ:AP)
(vovworld)- ວັນທີ 5/5, ທ່ານ Ban Ki Moon ເລຂາທິການໃຫ່ຍ ສປຊ ໄດ້ຮຽກຮ້ອງໃຫ້ຝ່າຍຕ່າງໆຈົ່ງພ້ອມກັນລະງັບໃຈເພື່ອຫລີກເວັ້ນບໍ່ໃຫ້ການປະທະກັນຢູ່ຊີຣີ ປິນຂັ້ນໄດ ພ້ອມທັງສະແດງໃຫ້ເຫັນຄວາມວິຕົກກັງວົນກ່ຽວກັບການບຸກໂຈມຕີທາງອາກາດຂອງອິດສະຣາແອນ ເຂົ້າຊີຣີ. ທ່ານເລຂາທິການໃຫ່ຍ ສປຊ ສະເໜີໃຫ້ທຸກໆຝ່າຍຈົ່ງມີການລະງັບໃຈ ພ້ອມທັງມີການກະທຳໂດຍມີຄວາມຮັບຜິດຊອບ ເພື່ອແນໃສ່ສະກັດກັ້ນການປະທະກັນປິນຂັ້ນໄດ ແລະ ກໍ່ຜົນເສຍຫາຍອັນໜັກໜ່ວງ. ທ່ານ Ban Ki Moon ກໍໄດ້ໂອ້ລົມທາງໂທລະສັບກັບທ່ານ Nabil ElAraby ເລຂາທິການໃຫ່ຍສະຫະພັນອາຣັບ ໃນວັນທີ 5/5 ເພື່ອແບ່ງປັນຄວາມວິຕົກກັງວົນອັນເລິກເຊິ່ງຕໍ່ການບຸກໂຈມຕີທາງອາກາດຂອງອິດສະຣາແອນ ເຂົ້າຊີຣີ. ໃນຂະນະນັ້ນ, ຊີຣີ ຢືນຢັນວ່າຈະໂຕ້ຕອບຄືນການບຸກໂຈມຕີໃໝ່ຄັ້ງຕ່າງໆຂອງອິດສະຣາແອນ ດ້ວຍການຍິງລູກສອນໄຟໃສ່ບັນດາເປົ້າໝາຍໃນເຂດດິນແດນອິດສະຣາແອນ. ກອງທັບຊີຣີ ໄດ້ຮັບຄຳສັ່ງໂຕ້ຕອບຄືນບໍ່ວ່າການບຸກໂຈມຕີຄັ້ງໃດ ຂອງອິດສະຣາແອນ ແຕ່ບໍ່ຕ້ອງລໍຖ້າຄຳສັ່ງຈາກກອງບັນຊາການສູງສຸດ.