(vovworld) - ວັນທີ 31/3, ສປປ ເກົາຫຼີ ໄດ້ດຳເນີນວາລະປະຊຸມຄົບຄະນະຂອງຄະນະບໍລິຫານງານສູນກາງພັກແຮງງານ ສປປ ເກົາຫຼີ. ການນຳ ສປປ ເກົາຫຼີ Kim Jong Un ຖະແຫຼງວ່າ: ວາລະປະຊຸມໄດ້ຮັບຮອງເອົາຍຸດທະສາດໃໝ່, ຕາມນັ້ນຈະດຳເນີນຈຸດໝາຍພັດທະນາເສດຖະກິດ ແລະ ຍົກລະດັບສາງອາວຸດນິວເຄຼຍ. ການນຳ ສປປ ເກົາຫຼີ Kim Jong Un ກ່າວຄຳເຫັນໄຂວາລະປະຊຸມໂດຍຖືວ່າ: ສປປ ເກົາຫຼີ ຄວນຍົກລະດັບກຳລັງປະກອບອາວຸດນິວເຄຼຍທັງ ດ້ານ “ຄຸນນະພາບ ແລະ ປະລິມານ” ເພື່ອຮັບມືກັບບັນດາໄພນາບຂູ່ຈາກ ອາເມລິກາ. ດ້ວຍຖານະເປັນປະເທດນຳໃຊ້ອາວຸດນິວເຄຼຍມີຄວາມຮັບຜິດຊອບ, ການນຳ Kim Jong Un ຖະແຫຼງວ່າ: ສປປ ເກົາຫຼີ ຈະມານະພະຍາຍາມຈົນສຸດຄວາມສາມາດຂອງຕົນ ເພື່ອສະກັດກັ້ນເລື່ອງເຜີຍແຜ່ອາວຸດນິວເຄຼຍ,ຮັບປະກັນສັນຕິພາບ ແລະ ຄວາມສະຫງົບຢູ່ ທະວີບ ອາຊີ ເວົ້າສະເພາະ, ໃນທົ່ວປະເທດເວົ້າລວມ ແລະ ມຸ້ງໄປເຖິງການສ້າງໂລກປອດອາວຸດນິວເຄຼຍ. ກ່ຽວກັບດ້ານເສດຖະກິດ, ສປປ ເກົາຫຼີ ຖະແຫຼງຈະຊຸກຍູ້ການພັດທະນາກະສິກຳ ແລະ ອຸດສາຫະກຳເບົາ ເພື່ອແນໃສ່ຫັນປະເທດນີ້ໃຫ້ກາຍເປັນປະເທດມະຫາອຳນາດດ້ານເສດຖະກິດ ດ້ວຍເງື່ອນໄຂດຳລົງຊີວິດທີ່ດີກ່ວາ.