(vovworld) - ວັນທີ 6/7, ສປປ ເກົາຫຼີໄດ້ອອກສຽງອີກຄັ້ງໜຶ່ງກ່ຽວກັບເລື່ອງ ຍິງລູກສອນໄຟໄລຍະສັ້ນຫວ່າງແລ້ວນີ້ຂອງຕົນ. ໜັງສືພິມ Rodong Sinmum, ອົງການກະບອກສຽງຂອງ ສປປ ເກົາຫຼີໃຫ້ຮູ້ວ່າ, ເລື່ອງປະເທດນີ້ຍິງລູກສອນໄຟແມ່ນການເຄື່ອນໄຫວທຳມະດາ, ເຊິ່ງດຳເນີນໃນເຂດນ່ານທະເລຂອງ ສປປ ເກົາຫຼີແລະ ສະແດງໃຫ້ເຫັນສິດປົກຄອງດ້ວຍຕົນເອງຂອງປະເທດໜຶ່ງທີ່ມີສິດອຳນາດ. ໜັງສືພິມດັ່ງກ່າວຢືນຢັນວ່າ, ສປປ ເກົາຫຼີຈະສືບຕໍ່ປະຕິບັດສິດປົກຄອງດ້ວຍຕົນເອງ ພ້ອມທັງກ່າວປະນາມເລື່ອງອາເມລິກາເອີ້ນການກະທຳຍິງລູກສອນໄຟຂອງ ສປປ ເກົາຫຼີແມ່ນການກະທຳທີ່ມີລັກສະນະເກາະຜິດ ແລະ ນາບຂູ່, ໃນຂະນະທີ່ອາເມລິກາພວມຂະຫຍາຍອາວຸດທີ່ທັນສະໄໝ. ວັນທີ 2/7 ຜ່ານມາ, ສປປ ເກົາຫຼີ ໄດ້ຍິງລູກສອນໄຟໄລຍະສັ້ນ 2 ໜ່ວຍລົງສູ່ທະເລພາກຕາເວັນຕົກຂອງປະເທດນີ້. ໃນຊຸມມື້ກ່ອນນັ້ນ, ສປປ ເກົາຫຼີ ກໍ່ໄດ້ຍູງລູກສອນໄຟໄລຍະສັ້ນຫຼາຍໜ່ວຍອີກ. ການກະທຳນີ້ຂອງ ສປປ ເກົາຫຼີ ໄດ້ປະສົບການຄັດຄ້ານຂອງອາເມລິກາ, ຍີ່ປຸ່ນ ແລະ ສເກົາຫຼີ.