ທ່ານ ເຈີນຫວຽດແທງ, ຮອງລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ
ພາບ:internet
|
(vovworld)- ຕອນຄ່ຳວັນທີ 9/12, ທ່ານ ບໍວຽງຄຳ ວົງດາລາ, ລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ລາວ ໄດ້ ມອບຫລຽນໄຊອິດສະຫລະຊັ້ນ 3 ໃຫ້ທ່ານ ເຈີນຫວຽດແທງ, ຮອງລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ຫວຽດນາມ. ນີ້ແມ່ນຂອງຂວັນເພື່ອຮັບຮູ້ບັນດາຜົນງານດີເດັ່ນ, ການອຸທິດສ່ວນກຳລັງເຫື່ອແຮງ ແລະ ພູມປັນຍາຂອງທ່ານຮອງລັດຖະມົນຕີ ເຈີນຫວຽດແທງ ໃນຂົງເຂດວິທະຍາສາດ ແລະ ເຕັກໂນໂລຊີ ຂອງລາວ, ພິເສດໃນການຮ່ວມມືກ່ຽວກັບການສ້າງບັນດາເອກະສານນິຕິກຳດ້ານວິທະຍາສາດ ແລະ ເຕັກໂນໂລຊີ. ກ່າວຄຳເຫັນນະພິທີ, ທ່ານຮອງລັດຖະມົນຕີ ເຈີນຫວຽດແທງ ຢືນຢັນ ນີ້ແມ່ນການຮັບຮູ້ຂອງລັດຖະບານລາວ ສຳລັບການຮ່ວມມືຢ່າງແຫນ້ນແຟ້ນ, ມີ ປະສິດທິຜົນລະຫວ່າງສອງກະຊວງວິທະຍາສາດ ແລະ ເຕັກໂນໂລຊີຂອງຫວຽດນາມ ແລະລາວ. ທ່ານຮອງລັດຖະມົນຕີ ເຈີນຫວຽດແທງ ປາດຖະຫນາຢາກພ້ອມກັບການນຳສອງກະຊວງສືບຕໍ່ເພີ່ມທະວີການຮ່ວມມື, ຊຸກຍູ້ການພົວພັນລະຫວ່າງສອງປະເທດໃນຂົງເຂດວິທະຍາສາດ ແລະ ເຕັກໂນໂລຊີໃນໄລຍະຈະມາເຖິງໃຫ້ນັບມື້ນັບເຂົ້າສູ່ລວງເລິກ, ມີປະສິດທິຜົນ ແລະ ຄຸນນະພາບກວ່າ.
ໝີບີງ, ນັກຂ່າວ VOV ປະຈຳ ສປປລາວ