ສປປເກົາຫຼີ ກ່າວເຕືອນ ບຸກໂຈມຕີສເກົາຫຼີ ໂດຍ“ບໍ່ແຈ້ງກ່ອນ”
ການຍິງລູກອນໄພໄລຍະໄກຂອງ ສປປ ເກົາຫຼີ
(ພາບ: Guardian)
(vovworld) – ກະຊວງປ້ອງກັນປະເທດ ສ ເກົາຫຼີ ໃຫ້ຮູ້ເມື່ອວັນທີ 20/12 ວ່າ: ສປປ ເກົາຫຼີ ກ່າວເຕືອນ ຈະດຳເນີນການບຸກໂຈມຕີ “ໂດຍບໍ່ແຈ້ງກ່ອນ” ເພື່ອໂຕ້ຕອບບັນດາການແຫ່ຂະບວນຕ້ານພຽງຢາງ ຖືກດຳເນີນໃນຕົ້ນອາທິດຢູ່ ເຊີອູນ, ໃນສະພາບການ ສປປ ເກົາຫຼີ ອາໄລຫາວັນເຖິງແກ່ມໍລະນະກຳຂອງອະດີດການນຳ Kim Jong Il ຄົບຮອບ 2 ປີ.
ຄຳກ່າວເຕືອນໂດຍຄະນະກຳມະການປ້ອງກັນປະເທດ ສປປ ເກົາຫຼີ ສົ່ງເຖິງ ສະພາປ້ອງກັນຄວາມສະຫງົບແຫ່ງຊາດ ສ ເກົາຫຼີ ໃນວັນທີ 19/12 ຜ່ານສາຍໂທລະສັບດ່ວນການທະຫານເຂດຝັ່ງທະເລທາງຕິດຕາເວັນຕົກ. ຄຳນາບຂູ່ດັ່ງກ່າວໄດ້ຍົກອອກມາພາຍຫຼັງບາງກຸ່ມຮັກສາເດີມ ຈັດຕັ້ງການແຫ່ຂະບວນຢູ່ ເຊີອູນ ເມື່ອວັນທີ 17/12 ເພື່ອຄັດຄ້ານເລື່ອງ ພຽງຢາງ ປະຫານຊີວິດທ່ານ Jang Song – Thaek, ເຊິ່ງແມ່ນພີ່ນ້ອງຂອງການນຳ Kim Jong – un. ໂຄສົກກະຊວງປ້ອງກັນປະເທດ ສ ເກົາຫຼີ ທ່ານ Kim Min – seok ໃຫ້ຮູ້ວ່າ: ເຊີອູນ ໄດ້ຕອບໂດຍທັນທີຜ່ານສາຍໂທລະສັບດ່ວນດັ່ງກ່າວ, ໂດຍຢັ້ງຢືນພວມຕິດຕາມຢ່າງໃກ້ຊິດ ແລະ ຈະໂຕ້ຕອບຢ່າງແຮງ ຕໍ່ທຸກໆການເຄື່ອນໄຫວເກາະຜິດຂອງພຽງຢາງ.