ສປປເກົາຫຼີ ຈະຖືກຕົກຢູ່ໂດດດຽວ ຖ້າຫາກຍິງລູກສອນໄຟ
Minh Hien ນັກຂ່າວ VOV ປະຈຳອາເມລິກາ -
ໂຄສົກກະຊວງການຕ່າງປະເທດອາເມລິກາ Victoria Nuland
(ພາບ:ອິນເຕີແນັດ)
( vovworld ) – ໃນບົດວິຈານສຳລັບບັນດາຮູບພາບທີ່ຖືກຖືວ່າ ສາທາລະນະລັດ ປະຊາຊົນ ປະຊາທິປະໄຕເກົາຫຼີ ພວມດຳເນີນບັນດາການເຄື່ອນໄຫວກະກຽມໃຫ້ການຍິງທົດລອງນິວເຄຼຍຄັ້ງທີ 3 ນັ້ນ, ວັນທີ 10/4, ຢູ່ວໍຊິງຕັນ, ໂຄສົກກະຊວງການຕ່າງປະເທດອາເມລິກາ, ທ່ານນາງ Victoria Nuland ໄດ້ຊີ້ແຈ້ງວ່າ ການດຳເນີນການຍິງທົດລອງນິວເຄຼຍໃນອະນາຄົດຂອງສາທາລະນະລັດ ປະຊາຊົນ ປະຊາທິປະໄຕເກົາຫຼີ ຈະເຮັດໃຫ້ອຳນາດການປົກຄອງປະເທດນີ້ຖືກຕົກຢູ້ໂດດດຽວ ໃນປະຊາຄົມໂລກ. ທ່ານນາງ Victoria Nuland ໃຫ້ຮູ້ວ່າ: ປະຈຸບັນ, ອາເມລິກາ ບໍ່ທັນຢືນຢັນວ່າ ສາທາລະນະລັດ ປະຊາຊົນ ປະຊາທິປະໄຕເກົາຫຼີ ພວມກະກຽມໃຫ້ການທົດລອງນິວເຄຼຍອື່ນໆພ້ອມກັບການຍິງລູກສອນໄຟໄລຍະໄກໃນເດືອນ 4 ນີ້ຫຼືບໍ່ , ແຕ່ເຖິງຢ່າງໃດກໍ່ຕາມ, ທ່ານນາງ Victoria Nuland ກໍໄດ້ຊຸກຍູ້ຈີນ ຈົ່ງນຳໃຊ້ຜົນສະທ້ອນຂອງຕົນ ເພື່ອເກັ້ຍກ່ອມສາທາລະນະລັດ ປະຊາຊົນ ປະຊາທິປະໄຕເກົາຫຼີ ບໍ່ດຳເນີນການຍິງດາວທຽມໃນໄລຍະທີ່ຈະມາເຖິງ. ມາຮອດປະຈຸບັນ, ສາທາລະນະລັດ ປະຊາຊົນ ປະຊາທິປະໄຕເກົາຫຼີ ຍັງຢືນຢັນວ່າ ປະເທດນີ້ຈະດຳເນີນການຍິງດາວທຽມໃນລະຫວ່າງວັນທີ 12-16/4 ແລະ ນີ້ແມ່ນດາວທຽມສຳຫຼວດພະຍາກອນອາກາດ ແລະ ປະເທດນີ້ໄດ້ເຊີນນັກຂ່າວຕ່າງປະເທດຈຳນວນໜື່ງ, ໃນນັ້ນມີນັກຂ່າວອາເມລິກາ ມາເພື່ອສັງເກດເຫດການນີ້.
Minh Hien ນັກຂ່າວ VOV ປະຈຳອາເມລິກາ