ໃນຖະແຫຼງການເຊິ່ງສຳນັກຂ່າວສານສູນກາງສປປ.ເກົາຫຼີ (KCNA) ເອົາລົງໃນອິນເຕີແນັດໂດຍໃຫ້ຮູ້ວ່າ, ທ່ານ Kim Myong gil, ເອກອັກຄະລັດຖະທູດເຄື່ອນທີ່, ທັງເປັນທູດພິເສດດ້ານນິວເຄຼຍແຖວໜ້າຂອງສປປ.ເກົາຫຼີ ໃຫ້ຮູ້ວ່າ, ກະຊວງການຕ່າງປະເທດອາເມລິກາ ໄດ້ສົ່ງສານເຖິງພຽງຢາງ, ໃນນັ້ນສະເໜີໃຫ້ເຈົ້າໜ້າທີ່ຂອງ 2 ຝ່າຍຈະມີການພົບປະກັນໃນເດືອນທັນວາ ຈະມາເຖິງ ຜ່ານປະເທດທີ 3. ພ້ອມກັນນັ້ນ, ເຈົ້າໜ້າທີ່ສປປ.ເກົາຫຼີ ກໍ່ກ່າວເຕືອນວ່າ ຖ້າຫາກອາເມລິກາ ບໍ່ຍົກອອກມາດຕະການແກ້ໄຂໂດຍພື້ນຖານ ເພື່ອຢຸດຕິບັນດານະໂຍບາຍເປັນປໍລະປັກກັບພຽງຢາງ ນັ້ນ, ບັນຫາປອດນິວເຄຼຍຢູ່ແຫຼມເກົາຫຼີ ຈະບໍ່ສາມາດແກ້ໄຂໄດ້.