ສປປ.ເກົາຫຼີ ຢັ້ງຢືນເຫດຍິງດາວທຽມ “Malligyong – 1” ຕົກລົງທະເລ
(VOVWORLD) - ອົງການພັດທະນາການບິນຮ່ວງອາວະກາດແຫ່ງຊາດ (NADA) ຂອງປະເທດນີ້ ໄດ້ຍິງດາວທຽມສອດແນມການທະຫານ “Malligyong-1” ດ້ວຍລູກສອນໄຟລຸ້ນໃໝ່ “Cheollima – 1” ຢູ່ເຂດຍິງດາວທຽມ Sohae ຢູ່ແຂວງ Phyongan ເໜືອ ໃນຕອນເຊົ້າວັນທີ 31 ພຶດສະພາ ຕາມແຜນການທີ່ໄດ້ກຳນົດໄວ້.
 (ພາບປະກອບ: Yonhap/TTXVN) |
ສຳນັກຂ່າວສານສູນກາງ ສປປ.ເກົາຫຼີ (KCNA) ໃຫ້ຂ່າວວ່າ ອົງການພັດທະນາການບິນຮ່ວງອາວະກາດແຫ່ງຊາດ (NADA) ຂອງປະເທດນີ້ ໄດ້ຍິງດາວທຽມສອດແນມການທະຫານ “Malligyong-1” ດ້ວຍລູກສອນໄຟລຸ້ນໃໝ່ “Cheollima – 1” ຢູ່ເຂດຍິງດາວທຽມ Sohae ຢູ່ແຂວງ Phyongan ເໜືອ ໃນຕອນເຊົ້າວັນທີ 31 ພຶດສະພາ ຕາມແຜນການທີ່ໄດ້ກຳນົດໄວ້. ພາກຂ່າວຂອງ KCNA ມີຕອນຂຽນວ່າ “ລູກສອນໄຟຍູ້ດາວທຽມ “Cheollima – 1” ຕົກລົງເຂດທະເລທາງທິດຕາເວັນຕົກແຫຼມ ເກົາຫຼີ.
NADA ຖືວ່າ ສາຍເຫດທີ່ພາໄປເຖິງປະລາໄຊ ກໍແມ່ນຍ້ອນລະບົບເຄື່ອງຈັກລຸ້ນໃໝ່ທີ່ນຳໃຊ້ໃນລະບົບ Cheollima – 1 ບໍ່ເປັນປົກກະຕິ ແລະ ຄຸນລັກສະນະພິເສດຂອງເຊື້ອໄຟກໍບໍ່ເປັນປົກກະຕິ. ບັນດານັກວິທະຍາສາດ, ນັກຊ່ຽວຊານ ແລະ ວິສາວະກອນພວມຄົ້ນຄວ້າຊອກຫາເຫດຜົນທີ່ພາໃຫ້ເກີດບັນຫາດັ່ງກ່າວ.