ສປປ.ເກົາຫຼີ ສືບຕໍ່ ກ່າວເຕືອນ ສ.ເກົາຫຼີ ກ່ຽວກັບການຫວ່ານ ໃບປີວ
ການນຳ ສປປ.ເກົາຫຼີ
(ພາບ: Reuters )
(vovworld)- ວັນທີ 12/10, ສປປ.ເກົາຫຼີ ໄດ້ຢ້ຳຄືນຄຳຮຽກຮ້ອງ ສ.ເກົາຫຼີ ຈົ່ງຢຸດຕິບັນດາການກະທຳ “ຂາດຄວາມລະມັດລະວັງ“, ໂດຍສະເພາະແມ່ນການຫວ່ານ ໃບປີວຕ້ານຄືນພຽງຢາງ, ຍ້ອນວ່າບັນດາການກະທຳຄືແນວນັ້ນ ຈະບໍ່ສາມາດປັບປຸງການພົວພັນລະຫວ່າງສ.ເກົາຫຼີ ແລະ ສປປ.ເກົາຫຼີ ໃນປະຈຸບັນໄດ້. ຄຳປະກາດຂອງໂຄສົກຄະນະຜູ້ແທນ ສປປ.ເກົາຫຼີ ເຂົ້າຮ່ວມການພົບປະຂັ້ນສູງລະຫວ່າງ ສ.ເກົາຫຼີ ແລະ ສປປ.ເກົາຫຼີ, ຕາມນັ້ນແລ້ວ, ພຽງຢາງ ຮຽກຮ້ອງໃຫ້ເຊີອູນ ຈົ່ງຢຸດຕິບັນດາການກະທຳອາດຈະເຮັດໃຫ້ການພົວພັນລະຫວ່າງ ສ.ເກົາຫຼີ ແລະ ສປປ.ເກົາຫຼີ ຊົ່ວຮ້າຍລົງ. ຄຳປະກາດດັ່ງກ່າວຍັງຢືນຢັນວ່າ, ກອງທັບ ແລະ ປະຊາຊົນ ສປປ.ເກົາຫຼີ ພ້ອມແລ້ວທີ່ຈະດຳເນີນບັນດາການບຸກໂຈມຕີແຮງກ່ວາອີກ ຖ້າຫາກວ່າບັນດາການກະທຳເກາະຜິດຄືແນວນັ້ນຍັງຄົງສືບຕໍ່ດຳເນີນໄປ./.