ສປປ.ເກົາຫຼີ ສືບຕໍ່ນາບຂູ່ ດຳເນີນການທົດລອງນິວເຄຼຍ ແລະ ຍິງລູກສອນໄຟ
(ພາບປະກອບ)
(vovworld) - ວັນທີ 26/01, ສະແດງປະຕິກິລິຍາຄັ້ງຫຼ້າສຸດ ພາຍຫຼັງສະພາຄວາມໝັ້ນຄົງສະຫະປະຊາຊາດເຫັນດີຮັບຮອງມະຕິເປີດກວ້າງບັນດາມາດຕະການລົງທົດພຽງຢາງ ທີ່ກ່ຽວຂ້ອງເຖິງການຍິງລູກສອນໄຟນຳດາວທຽມເມື່ອເດືອນ 12/2012, ສປປ.ເກົາຫຼີ ສືບຕໍ່ກ່າວຍ້ຳຄືນຄຳນາບຂູ່ທີ່ວ່າ ຈະດຳເນີນການທົດລອງນິວເຄຼຍຄັ້ງທີ 3. ໜັງສືພິມລາຍວັນ “Rodong Sinmun”, ກະບອກສຽງຂອງພັກແຮງງານຂອງ ສປປ.ເກົາຫຼີ ຊີ້ແຈ້ງວ່າ: “ເລື່ອງທົດລອງນິວເຄຼຍແມ່ນຄວາມຮຽກຮ້ອງຕ້ອງການຂອງປະຊາຊົນ ແລະ ພວກຂ້າພະເຈົ້າບໍ່ມີທາງເລືອກອື່ນ”. ແຫຼ່ງຂ່າວດັ່ງກ່າວຢືນຢັນວ່າ ໄພນາບຂູ່ໃຫຍ່ກວ່າໝູ່ສຳລັບສັນຕິພາບ ແລະ ຄວາມປອດໄພໃນແຫຼມເກົາຫຼີ ແມ່ນເລີ່ມມາຈາກນະໂຍບາຍເປັນປໍລະປັກຂອງບັນດາກຳລັງໂດຍອາເມລິກາ ນຳໜ້າ, ກໍຄືໄດ້ຮັບການໜູນຫຼັງຈາກສາງອາວຸດນິວເຄຼຍຢ່າງມະຫາສານຂອງອາເມລິກາ ນັ້ງເອງ. ການກະທຳດັ່ງກ່າວໄດ້ມີຂຶ້ນພາຍຫຼັງ 1 ວັນທີ່ ສປປ.ເກົາຫຼີ ນາບຂູ່ວ່າ ຈະມີການໂຕ້ຕອບທີ່ແຂງກະດ້າງ ສຳລັບ ສ.ເກົາຫຼີ ຖ້າຫາກປະເທດນີ້ເຂົ້າຮ່ວມບັນດາສຳສັ່ງລົງໂທດຂອງສະຫະປະຊາຊາດໂດຍກົງ, ພ້ອມທັງຖືວ່າ ປຽບເໝືອນບັນດາຄຳສັ່ງລົງໂທດນີ້ໄດ້ເບິ່ງຄືວ່າ ຄຳປະກາດສົງຄາມ ຕ້ານພຽງຢາງ.